تاووشدا آذربایجانلا سرحدده یئرلشه‌ن کندلرین – کیرانتس، اسکیپارا، باغانیس، ووسکوان، کوتی – ساکنلرینین اکثریتی ۷ ایون سئچکیلرینده حاکم وطنداش مقاوله‌سی پارتیاسینا سس وئریب.

Axar.az خبر وئریر کی، بونو ارمنی اکسپرت ووسکان سرکیسیان دئییب.

او بیلدیریب کی، ۱۹-۲۰ ایون تاریخلرینده تاووشا یاغان گوجلو دولو اوزوم باغلارینی، تروز ساحه‌لرینی، تاخل تارلالارینی، ائولرین داملارینی، توله‌لری، آنبارلاری، چوخلو سایدا آوتوموبیلی محو ائدیب:

«کندلیلر محصولسوز قالیبلار. پاشینیان و وظیفه‌لی مأمورلار یوکسک ماعاشلارلا یاناشی، دولت بودجه‌سیندن میلیونلارلا درام دیرینده بونوسلار آلیرلار. او، سئچکی‌قاباغی کامپانیا زمانی سرحدده سئچیجیلره مراجعت ائد‌رک «سیزی چوخ سئویرم» دئیه قیشقیریب. ایندی پاشینیان دولودان جدی زیان چکه‌ن کندلیلره میلیاردلارلا درام کمپنساسیا و یا دولت دستیی وئرمکله ان آزی اونا سس وئرنلری سئودیینی ثبوت ائده بیلر».

کئچمیش ملت وکیلی نایرا زهرابیان دا پاشینیانین آذربایجانلا سرحد اراضیلرده چوخ سس آلماسینا دقت چکیب:

«نیکولون سونیکده (زنگزوردا – رئد.) نه قدر چوخ سس آلدیغینی گؤردونوزمو؟! هانسی کی، همین ساکنلر پوتنسیال مناقشه زوناسینا یئر آلیردیلار».