روسیا بلاروس پرزیدنتی آلکساندر لوکاشنکویا تضییقی آرتیراراق، اوندان اوکراینایا قارشی یئنی جبهه آچماق اوچون اؤلکه اراضی‌سینی استفاده‌یه وئرمه‌سینی طلب ائدیب. کرملین بلاروسدان ناتو اؤلکه‌لرینه قارشی کوتلوی پوا هجومو و هیبرید عملیاتلار اوچون استفاده ائتمیی دوشونور.

Axar.az خبر وئریر کی، بو باره‌ده «وال استریت ژورنال» منبع‌یه استنادلا معلومات یاییب.

«مینسکه تضییق بو ایلین اولیندن بری داوام ائدیر. کرملبن دونباس‌دا روسیانین هجومونون یاواشلاماسی سببین‌دن تهلوکه‌لی اسکالاسیانی نظردن کئچیریر و پوتینین یئنی گرگین‌لیک نقطه‌لرینه احتیاجی وار. کرملینین کونکرت مقصدلری وار. بلاروس اراضی‌سی ایسه بونلار اوچون لازیمدیر: اوکراینا اراضیلرینه داواملی اولاراق پوا بوراخماق، جبهه خطینین اوکراینانین غرب بؤلگه‌لرینه دوغرو گئنیشلندیریلمه‌سی، اوکراینا قوه‌لرینین احتیاط حیصه‌لرینین شرق جبهه‌سین‌ده‌کی کریتیک استقامتلردن یاییندیریلماسی. بلاروس آلیانسین قونشو اؤلکه‌لرینه قارشی تخریباتلار اوچون استفاده ائدیله بیلر. روسیا اوکراینایا دستیی سارسیتماق و ناتو-نون رئاکسیاسینی سیناماق ایستییر. اؤتن یای روسیا درونلاری آرتیق پولشا هوا مکانینا داخل اولوب. ایندی بو جور عملیاتلار سیستم‌لی حالا گله بیلر»، - معلوماتدا دئییلیب.