اوکراینانین مدافعه صنایع‌سی محاربه سایه‌سینده اونیکال اوستونلوک الده ائدیب – استحصالچیلار یئنی سلاحلاری رئال دؤیوش شرایطینده سیناقدان کئچیره، حربچیلردن اوپراتیو رای آلا و بیر نئچه گون عرضینده لازمی دییشیکلیکلر ائده بیلیرلر. محض بو تجربه حاضردا ناتو اؤلکه‌لری و غربین مدافعه صنایعسی شرکتلری طرفیندن دقتله اؤیرنیلیر.

Axar.az خبر وئریر کی، بو باره‌ده «بیزنس اینسایدر» نشری ناتو نماینده‌لرینه، اوکراینانین سلاح استحصالچیلارینا و دولت رسمیلرینه استنادن معلومات یاییب.

قید اولونور کی، دؤیوش میدانیندا وضعیت سرعتله دییشدیی اوچون یئنی تخنولوگیالار جمعی بیر نئچه هفته عرضینده آکتواللیغینی ایتیره بیلر. بونا گؤره ده اوکراینا حربچیلرله استحصالچیلار آراسینداکی علاقه‌نی ماکسیموم درجه‌ده قیسالدیب.

ناتونون آوروپاداکی متفق قوه‌لرینین عالی کوماندانینین معاونی جان استرینگرین سؤزلرینه گؤره، محض بئله یوکسک اینوواسیا سرعتی حاضردا غرب اؤلکه‌لرینده چاتیشمیر.

اونون سؤزلرینه گؤره، اوکراینادا یئنی تخنولوگیالارین تطبیقی و اویغونلاشدیریلماسی پروسسی ایللرله دئییل، هفته‌لرله آپاریلیر.