آلمانیا کانسلری فریدریخ مرز ارمنستانین باش ناظیری نیکول پاشینیانلا تلفن دانیشیغی آپاریب، طرفلر اوکراینا و یاخین شرقده‌کی وضعیتی، ائلجه ده ارمنستانلا آذربایجان آراسینداکی صلح پروسسینی مذاکره ائدیبلر.

Axar.az خبر وئریر کی، بو باره‌ده ژورنالیستلره آلمانیا ناظیرلر کابینتینین سؤزچوسو ایشتفان کورنلیوس دئییب.

او، لیدرلرین یاخین شرقده‌کی موجود وضعیت، اوکرایناداکی مناقشه و اونلارین جنوبی قافقازا تأثیری باره‌ده فکر مبادله‌سی آپاردیقلارینی قید ائدیب:

"آلمانیا کانسلری ارمنستانلا آذربایجان آراسیندا صلح پروسسینده علاوه آددیملار آتیلماسینا چاغیریش ائدیب و بونون رگیونال ثابتلیک اوچون اهمیتینی وورغولاییب.

بو باخیمدان رسمیلر هم ایکی‌طرفلی مناسبتلری، هم ده ارمنستانین آوروپا بیرلیی ایله علاقه‌لرینی گئنیشله‌ندیرمک امکانلارینی قید ائدیبلر".