ارمنستان پارلامنتینین حاکم «وطنداش مقاوله‌سی» فراکسیاسینین ملت وکیلی آرمان یئگویان تاریخی اراضیلرله باغلی ادعالاری تنقید ائدیب.

Axar.az خبر وئریر کی، او بو باره‌ده پارلامنت‌ده چیخیشی زمانی دانیشیب.

یگویان بیلدیریب کی، تاریخی کئچمیشه و یا ارمنیلرین معین دورده کمپاکت یاشاماسینا اساس‌لاناراق هر هانسی اراضینی «ارمنی وطنی» اعلان ائتمک دوزگون یاناشما دئییل:

«جناب کاراپتیان بو تریبونایا چیخیب دئدی کی، آدانا بیزیم وطنیمیزدیر. سوال بودور: هانسی معیارا گؤره؟ بیلیرسینیزمی آدانا هارادا یئرلشیر؟ کیلیکییادا. بیز وطنیمیزی هان‌سی عیارلا معین ائدیریک؟ منیم بابالاریم خویدان گلیبلر. سیز دوست اؤلکه‌میز ایرانلا گؤروشلرده دئیجکسینیزمی کی، خوی بیزیم وطنیمیزدیر؟

یاخشی، تصور ائدین کی، گرجستان‌دان نماینده هیئتی گلیب. بیلیرسینیز کی، لوری و تاشیر اوزون مدت گرجستان چارلیغینین ترکیبینده اولوب. ایندی گرجستاندان بیر ملت وکیلی گلیب دئسه کی، تاشیر منیم وطنیم‌دیر، چونکی فیلان ایلده گرجستانین ترکیبینده اولوب، اوندا نئجه اولاجاق؟»
یگویان تورکیه‌یه اراضی ادعالاریندان دا دانیشیب:

«تورکلره دئسه‌نیز کی، آدانا بیزیم وطنیمیزدیر، اونلار نه دوشونه‌جکلر؟ ائله بیلیرسینیز کی، تاریخ و تاریخی وطن یالنیز بیزده وار؟ بورادا عرب خلافتی ده اولوب. ایندی هانسی‌سا عرب دولتی گلیب دئسه کی، بورا بیزیم وطنیمیزدیر، نئجه اولاجاق؟»