فیفا دنیا چمپیوناتینین حقوقلارینین بیر حصه‌سینی ساتماق پلانلارینا گؤره عذر ایسته‌ییب.

Axar.az خبر وئریر کی، بو باره‌ده قورومون پرئزیدئنتی جاننی اینفانتینو و باش کاتیب ماتتیاس قرافسترؤم طرفین‌دن فیفا شوراسی عضولرینه اونوانلانمیش مکتوب‌دا دئییلیب.

«بو سهولره گؤره صمیمی قلب‌دن عذر ایستییر و اونلارین تکرارلانمایاجاغینا سؤز وئریریک. لازیمی آراشدیرمالاری آپاراجاق و فیفا شوراسینین نوبتی اجلاسین‌دا حسابات تقدیم اولوناجاق»، - مکتوب‌دا قید اولونوب.

قید ائدک کی، اؤتن هفته فیفا-نین تورنیر حقوقلارینی ساتماق اوچون یئنی کومرسییا ایستروکتورو اولان «فیفا فوروارد انترپریس» یاراتماغی پلانلاشدیردیغی بیلدیریلمیشدی. لاکین قورومون پرزیدنتی جانی اینفانتینو فوتبول کونفدراسیالارینین تنقیدلری و اویفا عضو اؤلکه‌لرینین دنیا چمپیوناتینین بایکوت ائتمک تهلوکه‌سی فونوندا بو ایدئیادان امتنا ائتمک قرارینا گلدی.