«ارمنستان کونیاکینین روسیا بازارینا اخراجینا قارشی صنعی مانعه‌لرین یارادیلماسی ادعالارینی آراشدیرماق نیتیندییک».

Axar.az خبر وئریر کی، بونو ارمنستانین باش ناظری نیکول پاشینیان دئییب.

اونون سؤزلرینه گؤره، حاضردا بو ادعا ایله باغلی حکومتده تصدیقلنمیش معلومات یوخدور: «لاکین موافق قوروملار مسئله‌نی آراشدیراجاق. «لودینگ» شرکتینین هم‌تاسیس‌چیلری آراسیندا ارمنستان وطنداشلاری دا وار. اونا گؤره فاکتلار تصدیقلنرسه، تهلوکه‌سیزلیک قوه‌لری شیرکتین تاسیس‌چیلری ایله گؤروشه‌جک».

ارمنی باش ناظر بیلدیریب کی، یئرلی اخراجاتچیلارین و استحصال‌چیلارین نرمال فعالیتینه مانع اولان ایسته‌نیلن قانون‌سوز حرکتین قارشی‌سینی آلاجاقلار.

نیکول پاشینیان ارمنستان دمیر یوللارینین روسیا انحصاریندان چیخاریلماسی حاقیندا دا دانیشیب. بیلدیریب کی، بو مسئله‌نی روسیا پرزیدنتی ولادیمیر پوتینله مذاکره ائدیب. لاکین داها اؤنجه آچیقلادیغی ۲ میلیارد دلارلیق اجاره طلبینین دوزگون آنلاشیلمادیغینی دا قید ائدیب.

«۲ میلیارد دلارلیق اجاره طلبی اؤلکه‌نین دمیر یولونون گذشتینه عاید دئییل. بو، ممکن انکشاف سناریلریندن بیریدیر، لاکین کونکرت بیر شئی نظرده توتمادیم»، - او دئییب.