آبمریکانین تورکیه‌یه اف-۳۵ قیریجیلارینین ساتیشی ایله باغلی پلانی هله ده رئاللاشماییب. طیاره‌لرین آنکارایا ساتیشی ایله باغلی راضیلاشمانین اجراسی تورکیه‌نین روسیادان آلدیغی اس-۴۰۰ سیستملریندن امتنا ائتمه‌سی شرطینه باغلی‌دیر.

Axar.az خبر وئریر کی، «سمافور»اون معلوماتینا گؤره، آمریکا پرزیدنتی دونالد ترامپین اف-۳۵-لرین تورکیه‌یه ساتیلاجاغینی آچیقلاماسیندان بیر آیدان چوخ واخت کئچمه‌سینه باخمایاراق، پروسس‌ده ایرلیلییش اولماییب.

آمریکا سناتینین خارجی علاقه‌لر کمیته‌سینین صدری جیم ریش بیلدیریب کی، تورکیه‌نین اس-۴۰۰ سیستملرینی باشقا اؤلکه‌یه ساتماق جهدلری هله‌لیک نتیجه وئرمه‌ییب و بو سبب‌دن اف-۳۵ راضیلاشماسی فاکتیکی اولاراق دایاندیریلیب.

معلوماتا گؤره، آنکارا اؤتن آی اس-۴۰۰-لر اوچون آلیجی آختارماغا باشلاییب، لاکین بو استقامت‌ده آپاریلان دانیشیقلاردان هله‌لیک نتیجه الده اولونماییب.

ریش قید ائدیب کی، تورکیه‌نین اس-۴۰۰ مسئله‌سینی حل ائتمک اوچون بیر نئچه واریانتی وار. بونلارا سیستملرین باشقا اؤلکه‌یه ساتیلماسی ایله یاناشی، اونلارین فعالیتینین دایاندیریلماسی و یا محو ائدیلمه‌سی ده داخل‌دیر.

آمریکا قانون وئریجیلیینه اساساً، تورکیه روسیادان ۲۰۱۹-جو ایلده آلدیغی اس-۴۰۰ «تریومف» سیستملرینه صاحب اولدوغو مدتده اف-۳۵ قیریجیلارینی الده ائده بیلمز.