اسرائیل و تورکییه آراسیندا سوریایا گؤره قارشی‌دورما یئنی مرحله‌یه کئچیب. اسرائیلین تورکییه سرحدینه یاخین ابودوهور آویابازاسینا ائندیردیی ضربه‌لر آنکارا ایله تل-اویو آراسیندا گرگینلییی داها دا آرتیریب.

Axar.az خبر وئریر کی، "فینانسال تایمس" یازیب کی، اسرائیلین هجوموندان سونرا طرفلر بیر-بیرینی اتهام ائدیب. آمریکانین سوریا اوزره خصوصی نماینده‌سی توم باراک دا ضربه‌لری «لازم‌سیز اسکالاسیا» آدلاندیریب.

باش ناظر بنیامین نتانیاهونون اوفیسی بیلدیریب کی، دمشق ابودوهوردا تورکیه حربچیلرینین یئرلشدیریلمه‌سینه اجازه وئرمکله تهلوکه‌سیزلیک ساحه‌سینده الده اولونموش ایستاتوس-کوونو پوزماغا یاخینلاشیب. تلاویو اوللر ده دمشقه تورکیه قوه‌لرینین بازادا یئرلشدیریلمه‌سینین اسرائیلین تهلوکسیزلیینه تهدید یاراداجاغینی خبردار ائدیب.

تورکییه ایسه اسرائیلین بو ادعالارینی اساس‌سیز ساییر. آنکارا اسرائیلی سوریادا «اکسپانسیونیست و ثابت‌لییی پوزان سیاست» یوروتمک‌ده اتهام ائدیر.

تورکییه سوریادا مؤقعلرینی گوجلندیریر

تورکییه سوریا پرزیدنتی احمد الشرعین اساس متفیقلریندن بیریدیر. آنکارا دمشقه حربی، تکنیکی و لوجستیکا دستیی وئریر، سوریانین دولت اینستیتوتلارینین برپاسینا کمک ائدیر. تورکییه‌نین سوریانین شمالین‌دا دا مینلرله حربچی‌سی قالیر.

اسرائیل ایسه احمد الشرع حکومتینی پوتنسیال تهلوکه حساب ائدیر. تلاویو خصوصیله تورکییه‌نین سوریادا دایمی حربی اینفراستروکتور یاراتماسیندان ناراحات‌دیر. اسرائیل حساب ائدیر کی، بو، اونون سوریا هوا مکانین‌دا حربی فعالیت امکانلارینی محدودلاشدیرا بیلر.

ابودوهور آویابازاسیندا سون واختلار برپا ایشلرینه باشلانیلیب. تورکییه مئدیاسینین معلوماتینا گؤره، تورک نماینده هیئتی اسرائیلین ضربه‌لریندن جمعی بیر نئچه ساعت اول بازایا باش چکه‌رک ایشلرین گئدیشینی یوخلاییب. آویابازا تورکییه سرحدین‌دن تخمیناً ۷۰ کیلومتر مسافه‌ده یئرلشیر.
اسرائیل تورکییه‌نی «یئنی ایران» حساب ائدیر

اسرائیل-تورکییه مناسبتلری غزه محاربه‌سی فونوندا ۲۰۲۴-جو ایلده‌ن کسکین پیسلشیب. سوریا مسئله‌سی ایسه ایکی اؤلکه آراسیندا اساس قارشی‌دورما نقطه‌سینه چئوریلیب.