ایران‌دا مجبوری حجاب قایدالارینین تطبیقی و "اخلاق پلیسی"نین انضباطی قایدالارلا جمعیت‌ده "اخلاقی دیرلری قوروما" جهدلری عکس نتیجه وئریر.

بوتون سرت تدبیرلره و جزالارا باخمایاراق، اسلام رسپوبلیکاسیندا فاحشه‌لییه جلب اولونانلارین سایی آرتماق‌دا، "کهنه پئشه" ایله مشغول اولانلارین یاش حدی آزالماق‌دادیر.

حجاب ایسه بیر چوخ حاللاردا اخلاق‌سیز قادینلار اوچون اخلاق پلیسی‌نین (گشت ارشاد) دقتینی چکمه‌مک و گیزلی فعالیت گؤسترمک اوچون بیر نوع "ماسکالانما" واسطه‌سینه چئوریلیب.

ایران‌دا فاحشه‌لیین قانونلا تامامیله قاداغان اولماسینا و آغیر جزالارلا نتیجه‌له‌نمه‌سینه باخمایاراق، مستقل سوسیولوژی تدقیقاتلار، غیری حکومت تشکیلاتلارینین حساباتلاری و بعضی دولت رسمیلرینین اعترافلارینا اساساً، اؤلکه‌ده‌کی درین اقتصادی بحران، یوخسوللوق و نارکومانییا سببیندن فاحشه‌لییه جلب اولونما یاشی ۱۲–۱۳ یاشا قدر ائنیب.

بیر چوخ تدقیقاتچی و سوسیولوقلار قید اولونانلارلا یاناشی، مجبوری حجاب قایدالارینین دا اخلاقسیزلیغین آرتماسیندا اهمیتلی رول اوینادیغینی بیلدیریرلر.

اونلارین فیکرینجه، مجبوری حجابین گتیردیی پسیکولوژی بحرانلا یاناشی، جمعیت‌ده، خصوصاً یئنی‌یئتمه و گنج قیزلار، قادینلار آراسیندا افراط درجه‌ده غیری-اتیک حرکتلر هم ده حاکمیت طرفیندن تطبیق اولونان محدودیتلره اعتراض فورماسینا چئوریلیب.

ایران سوسیولوژی آسسوسیاسییاسینین و مختلف یئرلی اکسپرتلرین حساباتلارینا گؤره، ایران‌دا کوچه فاحشه‌لییی ایله مشغول اولانلارین و یا بونا مجبور ائدیله‌نلرین اورتا یاش دیاپازونو ۱۲ ایله ۱۸ یاش آراسینا قدر گئریله‌ییب. حتی بعضی انسان آلوئری و قاچاقمال‌چیلیق حساباتلاریندا بو یاشین بعضا داها دا آشاغی (۱۰-۱۴ یاش) دوشدویو قید اولونور.

ایران مدنی انقلاب شوراسینین رسمیلری و سوسیال رفاه اوزره اکسپرتلر مصاحبه‌لرینده ائوده‌ن قاچان و فاحشه‌لیک ریسکی ایله اوزلشن قیزلارین اکثریتینین ۱۳-۱۵ یاشلاریندا اولدوغونو تصدیقله‌ییبلر.

ایران‌دا رسمی نکاح یاشی قیزلار اوچون ۱۳-دور (آتاسینین و یا حاکمین اجازه‌سی ایله داها کیچیک یاشدا دا ممکن‌دور). اؤلکه‌ده نکاح‌دان‌کنار جنسی علاقه قاداغان اولسا دا، "صیغه" (موقتی نکاح) قانونی حساب اولونور. بیر چوخ بین‌الخالق حقوق مدافعه‌چیلری بو سیستمین بعضا آزیاشلیلارین جنسی استثمارینی قانونی‌لشدیرمک اوچون سواستفاده ائدیلدیینی بیلدیریرلر.

بونا گؤره ده، رادیکاللارلا مقایسه‌ده داها منطیقلی دوشونن ایران پرزیدنتی مسعود پزشکیان، مجبوری حجاب قایدالاری و بو قایدالارین سرت تطبیقی ایله باغلی هم ملت وکیلی اولدوغو دور، هم سئچکی کامپانییاسی دؤورونده، هم ده پرزیدنت‌لییی مدتینده بیر سیرا تنقیدی چیخیشلار ائدیب. او، اؤزونون و عائله‌سینین دینی دیرلره صادق اولدوغونو وورغولاسا دا، دولتین بو مسئله‌ده گوج تطبیق ائتمه‌سینی قطیعتله تنقید ائدیب، مجبوری تطبیق‌ائتمه‌لرین عکس نتیجه وئردیینی قید ائدیب.

پزشکیان دفعه‌لرله بیان ائدیب کی، حجاب مسئله‌سینی زورلا، انضباطی و یا حربی یوللارلا حل ائتمک ممکن دئییل. او، قادینلاری نه حجابا مجبور ائتمه‌یین، نه ده اونلاری حجاب‌دان امتناع ائتمه‌یه وادار ائتمه‌یین دوغرو اولمادیغینی بیلدیریب.

بوتون بونلارا باخمایاراق، ایران حکومتی حجابی ساده‌جه داخیلی دینی-معنوی گئییم فورماسی کیمی دئییل، هم ده اؤز سیاسی ایدولوژیسی‌نین، رئگیونال نفوذونون و "اسلام انقلابینین اخراجی" سیاستی‌نین اساس ژئوسییاسی سمبولو کیمی قبول و استفاده ائدیر.

تهران حاکمیتی حجاب عاملینی دیگر اؤلکه‌لرده (خصوصیله یاخین شرق و پست‌سووئت مکانیندا) خارجی سیاست آلتی و باشقا دولتلرین داخیلی ایشلرینه قاریشماق واسطه‌سینه چئویریب.

ایران خصوصاً دنیوی‌لیک و تولرانتلیق پرینسیپلرینی اساس توتان آذربایجان رسپوبلیکاسیندا حجاب مسئله‌سینی سیاسیلشدیرمه‌یه و بون‌دان داخیلی ایشلره مداخیله اوچون استفاده ائتمه‌یه جهد ائدیب و ائدیر.

تهران مختلف فوندلار، اینترنت رسورسلاری و گیزلی شبکه‌لر واسطه‌سیله آذربایجان رسپوبلیکاسیندا دنیوی قانونلارا قارشی ناراضیلیق یارادیر، حجاب گئیینمک آزادلیغی بهانه‌سی ایله دولت تاسیساتلارینا قارشی رادیکال دینی کوتله فورمالاشدیریر.

بونون نتیجه‌سی‌دیر کی، ایران‌یؤنوملو قوه‌لر طرفین‌دن حجاب مسئله‌سی صنعی شکیل‌ده گونده‌مه گتیریلیر، شیشیردیلیریر، مکتبلرده واحد مکتبلی فورماسی قراری تحریف اولونموش شکیلده "اسلاما قارشی حرکت" کیمی قلمه وئریلیر و بوندان جمعیت‌ده قطبلشمه یاراتماق و دولتین سووئرئنلیینه تهدید تؤرتمک مقصدی گودولور.

بیر سؤزله، ایران جمعیتینین اؤزونده مجبوری حجابا قارشی جدی داخیلی مقاومت و دنیویلشمه مئیللری گوجلنسه ده، تهران رژیمی خارجی سیاست‌ده حجاب عاملیندن اؤز توکراتیک تأثیرینی گئنیشله‌ندیرمک، دیگر اؤلکه‌لرین داخیلی ایشلرینه قاریشماق و رئگیونال گوج بالانسینی دییشمک اوچون بیر سیاسی سلاح کیمی استفاده ائتمه‌یه داوام ائدیر.