امین ایدیم کی، فرانسادا ساغ قوه‌لرین حاکمیته گلمه‌سی وطنداش محاربه‌سینه سبب اولاجاق. سن دئمه، من حدیندن آرتیق نیکبین ایمیشه‌م: محاربه آرتیق باشلاییب!

Axar.az خبر وئریر کی، بونو اسرائیلین دیاسپورلا ایش اوزره ناظیری آمیچای چیکلی اؤزونون اکس صفحه‌سینده یازیب.

«اسرائیله خیانت ائتمه‌سینه باخمایاراق، فرانسایا وحشیلیک اوزرینده غلبه آرزولاییرام. بلچیکا و بریتانیا، یقین کی، نؤوبه سیزیندیر. حاضیرلاشین»، - او بیلدیریب.

قید ائدک کی، ایل-ده-فرانس رگیونوندا یوخاری صینیف شاگردلرینین باشلاتدیغی اعتراض آکسییالاری حاضردا بوتون فرانسانی بورویوب. آکسیاچیلار درس جدوللرینین حدیندن آرتیق یوکله‌نمه‌سینه، معلم چاتیشمازلیغینا و تحصیل سیستمینده‌کی دیگر پروبلملره اعتراض ائدیرلر. اعتراضلار اغتشاشلارلا مشایعت اولونور.