«علیئوین صلحو» دئییرلر (مخالفتی نظرده توتور - رئد.). گلین صلحون نئجه قورولدوغونا نظر سالاق. صلح مقاولهسی امضالانمالیدیر، اونو کیم امضالایاجاق؟ ایندی بؤیوک بیر سورپریز، ملی رسوایچیلیق، سو،قصد افشاسی ائدجهیهم - صلحه امضا آتان علیئو اولاجاق، دوستلار.
Axar.az خبر وئریر کی، بو سؤزلری ارمنستان باش ناظیری نیکول پاشینیان پارلامنتده مخالفتین سواللارینی جوابلاندیرارکهن دئییب.
«باشقا سؤزله، من و علیئو امضالادیغیمیز زامان همین صلح ۵۰% پاشینیانین، ۵۰% ایسه علیئویندیر.
من برازیلیانین چوخ حرمتلی پرزیدنتی جناب لولا دا سیلوادان گئدیب همین سندی امضالاماسینی خواهش ائده بیلرم: بیر طرفده منیم، دیگر طرفده اونون امضاسی اولاجاق. اما بو، (آذربایجانلا - رئد.) صلح اولمایاجاق. باشا دوشمورم، بو مانییادان نه واخت چیخاجاغیق؟ ۱۸۷۰-جی ایللردن باشلایاراق بیزی اداره ائتمک ایستهیهن قوهلر شعوروموزون قارالماسینی ایستهیهنده دئییردیلر: تورک، تورک، تورک و بودور، بوتون شعورلو سیستم قاریشیب.
باشقا سؤزله، سیز ایندی پارلامنت چوخلوغو اولاراق منه گئدیب علیئوله صلح مقاولهسینی امضالاماغا اجازه وئرمیرسینیز. اگر اجازه وئرمهسهنیز، صلحون برقرار اولماسینین باشقا یولونو بیلمیرم. من علیئوله بیر سند امضالامالییام، من آرتیق بیرینی ایمزالامیشام، بونا گؤره ده صلح وار. من علیئوله واشینگتن بیانامهسینی امضالادیم، صلحون دؤنمز اولماسی اوچون داها بیرینی امضالامالییام»، - دئیه پاشینیان بیلدیریب.