روسییا-تورکییه-آذربایجان پارلامئنتلرآراسی علاقه لر قروپونون یارادیلماسی گوندَمده دیر.

آپانین وئردییی معلوماتا گؤره, بوتو "پارلامئنتیسکایا قازئتا"دا کئچیریلن آذربایجانین موستقیللی یی نین 25 ایللییینه حصر اولونان "روسییا-آذربایجان موناسیبتلری: 25 ایل دوستلوق و قارشیلیقلی صرفه لی اَمکداشلیق" آدلی دَیرمی ماسادا ایشتیراک ائدن دؤلت دوماسینین میلت وکیلی, روسییا-آذربایجان پارلامئنتلرآراسی دوستلوق قروپونون رهبری دیمیتری ساوئل یئو بیلدیریب.

د.ساوئل یئو آذربایجانین روسییا ایله تورکییه آراسیندا علاقه لرین مؤحکملنمه سینده واسیطه چی رولونو قئید ائده رک دئییب کی, لیبئرال دئموکرات پارتایاسی نین لیدئری ویلادئمیر ژیرینووسکی نین تورکییه یه سَفری زامانی روسییا-تورکییه-آذربایجان پارلامئنتلرآراسی علاقه دار قروپون یارادیلماسی مسئله سینین موذاکیره اولدوغونو سؤیله ییب: "ویلادئمیر ژیرینووسکی تورکییه پارلامئنتینده کئچیردیگی گؤروشده اوچ اؤلکه نین پارلامئنت دوستلوق قروپلاری نین بیرگه گؤروشلری نین کئچیریلمه سینی موذاکیره ائدیب. تورکییه و آذربایجان طرفی ده بونا راضیلیق وئریب.قروپون ایلک ایجلاسی نین باکیدا کئچیریلمه سی پلانلاشدیریلیر".