اینگیلتره‌ده لئیبوریستلر پارتییاسینین میللت وکیلی بئن برئدشوو روسییالی هاکئرلرین برئکسیت رئفئرئندومونا موداخیله ائتدیینی آچیقلاییب.

آخار. آز خبر وئریر کی، برئدشوو سورییادان آوروپایا گئرچکلشه‌ن میقرانت آخینینین آرخاسین‌دا دا موسکوانین دوردوغونو دئییب:

«روسییانین کیبئر (سایبری) هوجوملا داها نلر تؤره‌ده بیلجیینی هله ده آنلامادیغیمیزی دوشونوره‌م. ساده‌جه آمئریکاداکی سئچکیلره دئییل، چوخ بؤیوک احتیماللا، برئکسیت رئفئرئندومونا دا موداخیله ائدیبلر. بونونلا باغلی هله‌لیک بیر دلیلیمیز یوخ‌دور، آنجاق بونون اولما احتیمالینی یوکسک قیمتله‌ن‌دیریرم».

سیاست‌چی روسییانین آوروپانی بؤلمک و ضعیفلتمک ایستدیینی بیلدیریب:

«آوروپا ۲-جی دونیا محاربه‌سین‌دن سونرا ان بؤیوک میقرانت دالغاسی ایله اوزلشیب. بو دالغا بؤیوک بیر پلانین ترکیب حیصه‌سی‌دیر. پوتین حربی یوللا باجارمادیغینی کیبئر(سایبری) هوجوملا و تبلیغاتلا الده ائتمه‌یه چالیشیر».

خاطیرلاداق کی، بو ایلین ایون آیین‌دا بؤیوک بریتانییادا آوروپا اتفاقین‌دان چیخماق باره‌ده رئفئرئندوم کئچیریلیب. سس وئرمه‌ده ایشتیراک ائد‌نلرین ۵۱،۹ فایزی برئکسیتین لئهینه، ۴۸،۱ فایزی ایسه علیهینه سس وئریب.