دونالد ترامپ درحال قوه‌یه مینمک شرطیله، آمریکا انکشافین مالیه‌لشدیریلمه‌سی کورپوراسیاسینا (دفج) گؤستریش وئریب کی، چوخ مناسب شرطلرله فارس کؤرفزیندن کئچن بوتون دنیز داشیمالاری، خصوصیله ده انرژی داشیییجیلاری اوچون سیاسی ریسک سیغورتاسی و مالیه تهلوکه‌سیزلییی ضمانتلری تقدیم ائتسین. بو خدمت بوتون گمی‌چیلیک شیرکتلری اوچون الچاتان اولاجاق. ضرورت یارانارسا، آمریکا حربی دنیز قوه‌لری تانکرلری هرمز بوغازین‌دان قیسا مدت‌ده مشایعت ائتمه‌یه باشلایاجاق.

Axar.az خبر وئریر کی، بو سؤزلری پولیتولوگ کامران جفروو قید ائدیب.

«ایران هرموز بوغازیندان کئچن نفت و گاز تانکرلرینه هجوملار ائدیر، بو ایسه اؤز نوبه‌سین‌ده سیغورتا شیرکتلرینین دنیز داشیمالارینی سیغورتالاماقدان امتنا ائتمه‌سینه سبب اولوب. چونکی ممکن سیغورتا اؤدنیشلری شرکتلری ایفلاسا سوروکله‌یه بیلر.

محض بونا گؤره ده آمریکا سیغورتا یوکونو اؤز اوزرینه گؤتورمک قرارینی وئریب. چونکی داشیمالارین تهلوکسیزلیینی تعمین ائده بیله‌جک یگانه گوج آمریکا اوردوسودور. آمریکا نفت قیمتلرینین کسکین آرتماسینا امکان وئره بیلمز.

بو مسئله‌ده بیر اینجه‌لیک ده وار. اساس سیغورتا شیرکتلری بؤیوک بریتانیادا یئرلشیر و ترامپین بو آددیمی بؤیوک بریتانیادان ایران کامپانیاسینا قوشولماماغا گؤره «اینجیمه‌سی» فونوندا هم ده اینگیلیسلره «دیش گؤسترمه‌سی» کیمی قیمتلندیرمک اولار»، - او بیلدیریب.

خاطرلاداق کی، ایران هرمز بوغازیندا نفت تجارتینه مانع اولماقلا نفتی کسکین باهالاشدیرماق و بو یوللا آمریکا بین‌الخالق تضییقی تعمین ائتمک ایستدیینی آچیق شکیلده اعلان ائدیب.