ایرانا قارشی اولان سلاحلی مخالیفتین بیر نئچه هفته عرضینده بلوچستان ماگیسترال یوللارینا نظارتی اله کئچیرمه احتمالی وار.

Axar.az خبر وئریر کی، بو حاق‌دا افغانیستان منبع‌لری کشفیات حسابلامالارینا اساساً معلومات یاییبلار.

معلوماتا گؤره، بیر نئچه خارجی سلاحلی گروپ سیستان و بلوچستانا تعلیم کئچمیش قوه‌لر گؤندرمیی پلانلاشدیریر. بو قوه‌لر بیر نئچه اؤلکه‌ده دؤیوشوب. اونلارین ایالتین بعضی یئرلرینده آغیر هجوملار حیاتا کئچیرمه‌سی پلانلاشدیریلیر.

ادعایا گؤره، "انصاروللاه تاجکیستان جماعاتی"نین لیدری مولوی ابراهیم تاجیک بو پلانی شرقی ترکستان اسلام حرکاتینین لیدری مولوی عبدالحق ایله بیرلیک‌ده ایر‌لی سورور. اونلارین هر ایکی‌سی بو ایشده جیش العدل، الفرقان و خالق دؤیوشچولری جبهه‌سی ایله امکداشلیق ائدیرلر. بو قوه‌لره مولوی جمعه آدلی بیر شخص کوماندانلیق ائدیر.

قید اولونور کی، ایرانین سیستان و بلوچستان ایالتینین اهمیتلی اوبیکتلری و ماگیسترال یوللاری بیر نئچه هفته عرضین‌ده اسلام رسپوبلیکاسینا قارشی سلاحلی مخالیفتین الینه کئچه بیلر. عینی منبع‌یه گؤره، افغانستانین شمالین‌داکی مینلرله خارجی دؤیوشچونون حرکتی ایران، تاجکیستان، اؤزبکستان و چینی تهدید ائدیر.

قید ائدک کی، بیر نئچه گون اول ایرانین عالی ملی تهلوکه‌سیزلیک شوراسینا باغلی اولان رسمی مئدیا اورگانی "نور نیوز" دا مسئله ایله باغلی اوخشار معلومات یاییب.

معلومات‌دا ۵۰۰۰۰ نفر "خالق دؤیوشچولری جبهه‌سی" آدلی گروپا جلب اولوندوغو و اونلارین تخمیناً ۱۵۰۰ عضوونون ایرانین داخلینه گؤندریلدیی بیلدیریلیب.