سحر سو ایچمک قان لاختالانماسی ریسکینی آزالدیر.

Axar.az خبر وئریر کی، حکیم یلنا تیخومیرووانین فکرینه گؤره، سحر آجقارینا بیر و یا ایکی استکان سو ایچمک اورک ساغلاملیغی اوچون چوخ فایدالیدیر.

حکیم سحر سو ایچمیین مایع بالانسینی برپا ائتمه‌یه کمک ائتدیینی و بو بالانسین یوخو زمانی بدنین مایع ایتیرمه‌سی ایله پوزولدوغونو بیلدیریب. بو، همچینین حضم سیستمینی و سیدیک سیستمینی ایستیموللاشدیریر. بو ریتوالین دیگر بیر فایداسی حدیندن آرتیق قان قاتیلاشماسینین و علاقه‌لی تهلوکه‌لرین قارشی‌سینین آلینماسی‌دیر:

"آدکوات سو بالانسینین قورونماسی قان قاتیلاشماسینین قارشی‌سینی آلیر و نتیجه‌ده ترومب ریسکینی آزالدیر».

حکیم علاوه ائدیب کی، قانی دورولاشدیرما تأثیری (سو ایچمکله) بئیین فعالیتینی یاخشیلاشدیرا بیلر، چونکی قان دورانی داها آکتیولشیر و بئیین کفایت قدر قیدا آلیر. سحرلر سو ایچمک وردیشی خصوصیله یاشلی انسانلار اوچون بو باخیم‌دان فایدالی اولا بیلر:

"بیر استکان سو ایچمک لیمفا سیستمینین فعالیتینی یاخشیلاشدیریر، بؤیرک داشلارینین و سیدیک یوللاری اینفکسییالارینین قارشی‌سینی آلماغا کمک ائدیر».