حلب فاجعه‌سینین ایلک سببی عثمانلینین مؤوجود اولماماسی‌دیر.

آخار. آز خبر وئریر کی، بو سؤزلر تورکییه‌لی یازار یوسیف کاپلانین «یئنی شفق» قزئتین‌ده‌کی کؤشه‌سین‌ده یئر آلیب. سورییا بحرانین‌دا قربین ده الینین اولدوغونو بیل‌دیره‌ن کاپلان تورکییه‌نین هر طرف‌دن بلوکادایا (محاصیره) آلیندیغینی سؤیله‌ییب:

«سون ۲۵ ایلده بالکانلاردا، قافقازدا، بوتون عرب دونیاسین‌دا یاشانان قتل عاملارین بیرینجی سببی عثمانلینین یوخ ائدیلمه‌سی، ایسلام دونیاسینین یئتیم قالماسی‌دیر. ایکینجی اؤنملی مسئله ایسه عثمانلینین قارشی‌سینی آلان سببلرین ایندی ده تورکییه‌یه قارشی تطبیق ائدیلمه‌سی، اؤلکه‌نین بلوکادایا (محاصیره) آلینماسی‌دیر. بس یوز ایلده دییشمه‌یه‌ن اساس سبب ندیر؟

۱۰۰۰ ایلدیر کی، سلجوق و عثمانلی اؤولادلاری اوچ قیطعه‌نین تاریخینی فورمالاش‌دیریرلار. اوچ قیطعه ائله دونیانین اؤزو دئمک‌دیر. عثمانلی اصلین‌ده عدالت، اخلاق، مرهمت، فراست دئمک‌دیر. غربلیلرین بوتون قیطعه‌لری و دنیزلری موستملکه ائدیب، بوتون مدنیتلری محو ائتدیکلری زاماندا عثمانلی اوچ قیطعه‌ده اینسانلیغین حیثیتینی قورویوردو. اعثمانلینین قارشی‌سینین آلینماسینین ایکی اساس سببی وار ایدی. بونلاردان بیرینجی‌سی عثمانلی دوردورولمایاجاغی تقدیرده غرب سیویلیزاسییاسینین (مدنیت) بوتون مدنیتلری محو ائد‌ن باربارلیغینین (وحشیلیک) اوزه چیخما احتیمالیی‌دی. ایکینجی‌سی ایسه عثمانلی غربین دونیا اوزرین‌ده موطلق هئژئمون‌لوغونا مانع اولان اساس قوه ایدی. غرب آرتیق بیر مدت اؤنجه «قولدور دؤولت» آدلاندیردیغی ایرانین قارشی‌سینی آچیب. اونلار ایرانین ۲۵۰ مین عسگرله عیراق و سورییادا فعالیت گؤسترمه‌سینه و مظلوملارین قانینی تؤکمه‌سینه شرایط یاراتدیلار. مقصد ایسه تورکییه‌نی ایرانلا قارشی-قارشییا گتیرمک، ساواش‌دیرماق و آردینجا تورکییه‌نی محو ائتمک ایدی. اونسوز دا عثمانلی بئله بیر تله سایه‌سین‌ده بیرینجی دونیا ساواشینا گیریب، محو اولموش‌دو. بونو اونوتماماق لازیم‌دیر».