پولشادا ژورنالیستلرین پارلامئنته گیریشینی محدودلاش‌دیران قانون لاییحه‌سینین موذاکیره‌سی اؤلکه‌ده وضعیت گرگینلشدیریب. پایتاخت وارشاوادا مینلرله اعتراضچینین پارلامئنت بیناسینی محاصره‌یه آلماسی اؤلکه‌ده چئوریلیش ادعالارینی گون‌ده‌مه گتیریب.

آخار. آز خبر وئریر کی، اؤتن گون اقتدارداکی حقوق و عدالت پارتییاسینین دئپوتاتلارینین پارلامئنت بیناسین‌دان چیخماسینا ایمکان وئرمه‌یه‌ن اعتراضچیلار پولیس موداخیله‌سی ایله قارشیلاشیب.

۱۹۸۹-جو ایلده‌ن بری یاشانان ان بؤیوک اعتراض دالغاسینی داغیتماق اوچون پارلامئنت اطرافینا علاوه پولیس قوه‌لری جلب اولونوب. یالنیز بونن‌دان سونرا باش ناظر بئاتا شیدلو و پارتییا صدری یاروسلاو کاچینسکینی بینادان چیخاریلیب.

حادثه ایله باغلی آچیقلاما وئره‌ن اؤلکه‌نین داخیلی ایشلر ناظری ماریوس بلاسکزاک اعتراضلاری قانون‌سوز آدلاندیریب:

«منیم فیکریمجه، دونن باش وئره‌ن حادثه‌لر گوجو اله کئچیرمک اوچون حاظیرلانیب».

عمومیتله، اقتدارداکی اکثر میللت وکیللری اعتراض آکسییالارینین چئوریلیشه حاضرلیق اولدوغونو ادعا ائدیر. اعتراضچیلاری «فاناتیزمی مدافعه ائتمک‌ده گوناهلان‌دیران یاروسلاو کاچینسکی ایسه اونلارین جزالاندیریلاجاغینی بیلدیریب.