عیراق حکومتی صدام حسینین حاکمیتی دؤورون‌ده قانونسوز اله کئچیریله‌ن تورکمان تورپاقلارینی گئری قایتارماق ایستمیر.

آخار. آز خبر وئریر کی، بو باره‌ده عیراق تورکمان جبهه‌سی (ایتج) صدرینین موعاوینی، کرکوک میللت وکیلی حسن توران کئچیردیی مطبوعات کونفران‌سین‌دا معلومات وئریب.

اونون سؤزلرینه گؤره، بغداد رهبرلیگی بؤلگه‌ده دئموگرافیک دییشیک‌لیکلر ائتمک فیکرین‌ده‌دیر:

«صدام حسین دؤورون‌ده تورکمانلاردان آلینان هئکتارلارلا تورپاغین حقیقی صاحبلرینه وئریلمه‌مه‌سینین سببینی ایندی آنلاییریق. اونلار بو شهرین کیملیینی آنجاق بو یوللا دییش‌دیره‌جکلرینی دوشونورلر. عیراقین موختلیف بؤلگه‌لرین‌دن گلن قاچقینلار کرکوک اطرافین‌دا یئرلشدیریلیر.

حاضردا سصدام حسین سیاستی داوام ائتدیریلیر. بو اراضیلرین تورکمانلارا قایتاریلماسی اوچون ۱۳ ایل داوام ائد‌ن حقوقی موباریزه چرچیوه‌سین‌ده ۵۵ مین محکمه ایشین‌ده یالنیز بارماقلا ساییلا بیله‌جک نتیجه‌لر الده اولونوب. تأسف کی، بو اؤلکه‌ده سیاسی طرفلر حقوقو دا نظارت آلتینا آلیبلار».