روسییا سفیری آنکارادا قتله یئتیریلدیک‌دن سونرا موسکوا تورکییه ایله ویزاسیز رئژیمه دایر دانیشیقلاری دوندوروب.

آخار . آذ خبر وئریر کی، بو ادعا ایله روسییانین «ایزوئستییا» نشری چیخیش ائدیب.

قزئتین خاریجی ایشلر ناظیرین-دکی منبع‌لرینه ایستینادن یایدیغی معلوماتا گؤره، دانیشیقلار غئیری-معین واختا دک تاخیره سالینیب.

آیریجا روسییا حکومتی تورکییه‌ده‌کی وطنداشلارینین تهلوکسیزلیینی تامین ائتمک اوچون لازیمی تدبیرلر گؤره‌جک.

«تورکییه حکومتی اؤلکه‌یه گلن شخصلرین تهلوکسیزلیینین تامین ائدیلمه‌سی ایستیقامتینده جدی ایشلر گؤرمکده داوام ائتمه‌لی‌دیر و روسییایا سفر ائتمک نیتین‌ده اولانلارین هامیسینین اساسلی یوخلانیلماسینا ضمانت وئرمه‌لی‌دیر»، - دئیه منبع بیلدیریب.

اونون سؤزلرینه گؤره، سون زامانلار باش وئرمیش فاجعه‌لی حادثه‌لر و جاری ایلده اولموش بیر سیرا اینسیدئنتلره گؤره روسییا تورکییه ایله ویزا رئژیمینی لغو ائتمه‌یه حاضیر دئییل.

خاطیرلاداق کی، بیر نئچه آی اول سفیر آندرئی کارلوو تورکییه وطنداشلاری اوچون ویزا رئژیمینی لغوینه تلسمه‌مه‌یه چاغیرمیشدی. اونون فیکرینجه، اؤلکه‌ده تهلوکسیزلیین تامین ائدیلمه‌سی اوچون بوتون تدبیرلر گؤرولمه میش‌دی.