آوروپا بیرلیینین رسمیلری آرتیق آمئریکا بیرلشمیش شتاتلارینین یئنی سئچیلمیش پرئزیدئنتی دونالد ترامپا ایرانلا باغلی خبردارلیق ائدیب.

آخار . آذ خبر وئریر کی، بو باره‌ده اینفورماسییانی «فایننشل تایمز» قزئتی اؤزونون اعتبارلی منبع‌لرینه ایستینادن یاییب. قزئت آوروپالیلارین ایرانلا موناسیبتلرین دایاندیریلماسینا طرفدار اولمادیغینی بیلدیریب:

«اگر واشینگتون ایرانلا نووه راضیلاشماسینی پوزسا، آوروپا بیرلیگی تئهرانا قارشی یئنی بئین اَلخالق تضییق کامپانییاسینی دستکله‌مه‌یه‌جک. آوروُپا بیرلیی رسمیلری آنجاق ایران طرفیندن بؤیوک پروووکاسییا اولاجاغی حالدا بو تضییق پروگرامینا قوشولاجاقلارینی بیان ائدیبلر. حاضیردا آوروُپالیلارین فیکرینجه، ایرانا قارشی یئنی سانکسییالار اوغورسوزلوقلا باشا چاتاجاق».

قئید ائدک کی، ترامپ سئچکی قاباغی تشویقات کامپانییاسی زامانی ایرانلا ایمضالانان نووه راضیلاشماسینین آمئریکا بیرلشمیش شتاتلاری اوچون روسوایچی‌لیق آدلاندیریب. او، بو موقاویله‌نی لغو ائده جه یینی بیلدیریب.