قازاخیستانین ائرمنیستان‌داکی سفیری تیمور اورازایئو کوللئکتیو تهلوکه‌سیزلیک موقاویله‌سی تشکیلاتینین (کتمت) اؤز عضولرینین قورونماسی باره‌ده نیظامنامه‌ده نظرده توتولان ماده نی ائرمه‌نیلره خاطیرلادیب.

آخار. آذ خبر وئریر کی، سفیر آذربایجان-ائرمنیستان سرحدین‌ده‌کی اولایا کوللئکتیو تهلوکه‌سیزلیک موقاویله‌سی تشکیلاتینین گؤزله‌نیله‌ن رئاکسییانی وئرمدیی باره‌ده ائرمنیستان پرزیدنت آدمینیستراسییاسینین ناراظی‌لیغی ایله باغلی «نوووستی آرمنیا»یانین سوالینی جاوابلاندیریب. سفیر آچیقلاماسین‌دا دئییب:

«آذربایجان-ارمنیستان سرحدین‌ده‌کی پروبلم ائرمنیستانلا باغلی دییل، داغلیق قاراباغ اطرافین‌دا باش وئرن پروبلمله علاقداردیر»

سفیر داها سونرا کوللئکتیو تهلوکه‌سیزلیک موقاویله‌سی تشکیلاتینین نیظامنامه‌سین‌ده سیتات گتیریب:

«اولاَ، کوللئکتیو تهلوکه‌سیزلیک موقاویله‌سی تشکیلاتی نیظامنامه‌سین‌ده بوتون بو مسئله‌لر آیدین شکیل‌ده قید اولونوب. نیظامنامه‌ده قید ائدیلیر کی، کوللئکتیو تهلوکه‌سیزلیک موقاویله‌سی تشکیلاتی عضولرینین بیرینه قارشی بو قوروما عضو اولمایان اوچونجو اؤلکه طرفین‌دن موداخیله ائدیلدیی حال‌دا دیگر عضولر درحال یاردیم ائتملیدیرلر. تاووش ویلایتینین بیر حیصه‌سی آذربایجانین ائرمنیستانین نظارتی آلتین‌دا اولان رایونلارییلا همسرحددیر. بیز اول‌دن دقیق و بللی مؤقع اورتایا قویموشوق - هم قازاخیستان، هم روسییا، هم ده دیگر کوللئکتیو تهلوکه‌سیزلیک موقاویله‌سی تشکیلاتینین عضولری. اگر اوچونجو دؤولتین اراضی پروبلمی ایله باغلی خاریجی زوراکیلیق وارسا، بو، آیری مسئله‌دیر، آنجاق داغلیق قاراباغلا باغلی مسئله تامامیله باشقادیر.

قاراباغ پروبلمی مسئله‌سین‌ده بیز کوللئکتیو تهلوکه‌سیزلیک موقاویله‌سی تشکیلاتی نیظامنامه‌سینین بو بندینه خصوصی اولاراق وورغولاییریق. بیز قاراباغ موناقیشه‌سینین صولح یولو ایله حلینین طرفداریییق، اونون حربی حل یولو یوخ‌دور».