اوکراینانین مهاجیر حکومتی یارادیلا بیلر.

آخار. آذ خبر وئریر کی، بونو اوکراینانین کئچمیش باش ناظری نیکولای آزاروو ژورنالیستلره آچیقلاماسین‌دا سؤیله‌ییب. آزاروو بیر مدت اؤنجه موسکوا محکمه‌سینین ۲۰۱۴-جو ایلده کیئوده باش وئره‌ن حادثه‌لرین دؤولت چئوریلیشی اولماسی حاقدا قرارینین بئله بیر آددیم آتیلماسینا سبب یاراتدیغینی بیلدیریب:

«مهاجیر حکومتین یارانماسی اوچون شرایط یئتیشمه‌لی‌دیر. بو شرایط ایلک نؤوبه‌ده اوکراینادا فورمالاشمالی‌دیر. حاکمیتی قانون‌سوز اله کئچیره‌ن حاضیرکی حکومت پراکتیک اولاراق اؤز وظیفه‌لرینی ایجرا ائتمک اقتدارین‌دا دئییل. خالق آلترناتیو حاکمیت ایسته‌یه‌ن‌ده بیزیم اوچون شرایط یئتیشه‌جک».

قید ائدک کی، مایدان حرکاتینین قلبه قازانماسین‌دان سونرا پرزیدنت ویکتور یانوکوویچ و باش ناظر نیکولای آزاروو استعفایا گؤندریلیب. هر ایکی شخص اؤلکه‌دن قاچیب. بون‌دان سونرا آزاروو موسکوادا اوکراینانین خلاصی کومیته‌سینین یارادیلدیغینی اعلان ائدیب. او، کئچن ایل ده مهاجیر حکومتینین یاراناجاغینی بیل‌دیرسه بئله، سونرادان بو فیکری رئاللاشدیرا بیلمه‌ییب.