آمئریکا بیرلشمیش شتاتلاری مدافعه ناظری جئیمس ماتتی سین ایرانا هجوم پلانی اورتایا چیخیب.

آخار. آذ خبر وئریر کی، بو باره‌ده اینفورماسییانی «واشینگتون پوست» قزئتی اؤزونون اعتبارلی منبع‌لرینه ایستینادا یاییب. قزئت ماتتی‌سین بو پلانی ۲۰۱۱-جی ایلده حاضیرلادیغینی بیلدیریب.

بئله کی، او زامان ماتتیس تهرانی ۱۵ آمئریکا عسگرینین اؤلومون‌ده گوناهکار بیلیردی. بونا گؤره ده ایران‌داکی نفت معدن لرینین محو ائدیلمه‌سی ایله باغلی خصوصی پلان حاضیرلانمیشدی، اما اوباما آدمینیستراسییاسی بو تکلیفی رد ائدیب:

«چوخ چتین دؤورلر ایدی. آمئریکا او واخت ایرانین دستیی ایله حیاتا کئچیریلن هجوملاری حل ائده بیلمیشدی، ایران‌دان گلن اوزون مدت‌لی تهدیدلری انگلله‌مک اوچون بو، یئترلی دئییلدی. او واخت آمئریکا مدافعه ناظری لئون پانئتتا ماتتی‌سین تکلیفینین آغ ائو طرفین‌دن قبول ائدیلمز اولدوغونو سؤیلمیشدی. ۲۰۱۰-جو ایلده آمئریکانین یاخین شرق عملیاتلارین‌دان مسئول کوماندانی ماتتیس وظیفه‌یه گتیریلدیی گون اوبامایا، «اوچ مقصدیم وار. بیرینجی‌سی ایران، ایکینجی‌سی ایران، اوچونجوسو ده ایراندیر» دئمیشدی».

قزئت ماتتی‌سین ایران هوجوم پلانلارینین فرقلی تاریخلرده یئنی‌دن گون‌ده‌مه گلدیینی بیلدیریب. ۲۰۱۱-جی ایلده‌ن سونرا ماتتیس یئنی‌دن اوباما آدمینیستراسییاسینا مراجعت ائد‌رک، هؤرمز بوغازین‌داکی گمیلری وورماق پلانینی تقدیم ائدیر. لاکین اوباما زامانلا اونو ایراندان اوزاقلاشدیرماغی باجاریب.

اوسته‌لیک، ماتتی‌سه تهرانی ایسرائیلین ایرانی ووراجاغی ایله باغلی هده‌له‌مه‌سینه ده ایزن وئریلمیر.