تورکییه‌نین کئچمیش باش ناظری احمد داوود اوغلونون قارداشی فئتؤ عملیاتی چرچیوه‌سین‌ده ساخلانیلیب.

آخار.آذ خبر وئریر کی، بو باره‌ده تانینمیش یازار عصمت اؤزچئلیک آیدینلیق قزئتین‌ده درج اولونان کؤشه یازی‌سین‌دا معلومات وئریب.

ژورنالیستین ادعاسینا گؤره، سابیق باش ناظرین قارداشی قیسا مدت سونرا سربست بوراخیلیب:

«کئچمیش باش ناظر احمد داوود اوغلونون سسی چیخمیر. آنجاق آنکارا کولیسلرین‌ده چوخ ایلگینج بیر معلومات دولاشیر. دئییلنه گؤره، بیر نئچه گون اؤنجه داوودوغلونون قارداشلارین‌دان بیری فئتؤ عملیاتین‌دا ساخلانیلیب.

خبری دقیقلشدیرمک اوچون داوود اوغلویا یاخین بیر شخصله علاقه ساخلادیق. «دوزدور ساخلانیلیب، آنجاق قیسا مدت سونرا سربست بوراخیلیب»، - جاوابینی وئردی.

حبس تاریخی دقیق بیلینمیر، گیزلی ساخلانیلیر. آنجاق کئچمیش پرزیدنت عبدالله گوله یاخین ایش آداملارینین کوتلوی حبسی هر شئیی آیدینلاش‌دیراجاق. گول و داوود اوغلونون یاخین چئوره‌سینین عینی آندا هدفه گلدیی تخمین ائدیلیر».