سنگال اوردوسونون گامبییایا یئریدیلمه‌سی اوجباتین‌دان ۴۵ مین اینسان اؤلکه‌نی ترک ائدیب.

آخار. آذ خبر وئریر کی، بو باره‌ده اینفورماسییانی بیرلشمیش میلتلر تشکیلاتینین قاچقینلارلا ایش اوزره آگئنت‌لیگی یاییب. بیرلشمیش میلتلر تشکیلاتیاؤلکه‌نی ترک ائد‌نلرین ۷۵%-نین قادین و اوشاق اولدوغونو بیلدیریب:

«نؤوبتی بیر نئچه گون کریتیک اولاجاق. اگر اؤلکه‌ده‌کی وضعیت صولح یولو ایله حل ائدیلمه‌سه، قاچقینلارین سایی آرتاجاق».

قید ائدک کی، بیر مدت اؤنجه گامبییادا پرئزیدئنت سئچکی‌سی کئچیریلیب. سئچکی‌ده قلبه‌نی موخالیفت لیدئری آدام بارروو قازانیب. لاکین اؤلکه‌نی ۱۹۹۴-جو ایلده‌ن بو یانا ایداره ائد‌ن یحیی جاممه سئچکی‌ده ساختاکارلیق اولدوغونو و یئنی‌دن کئچیریلمه‌سی گرکدیینی بیلدیریب. او اؤز پوستوندان ایمتینا ائتمیجیینی آچیقلاییب. آفریکا اتفاقی و قربی آفریکا دؤولتلرینین اقتصادی بیرلیگی ایسه یانوارین ۱۹-دان اعتباراً اؤلکه پرئزیدئنتی کیمی بارروونو تانییاجاقلارینی بیان ائدیبلر. سنگال اوردوسو آرتیق دونن گامبییایا داخیل اولوب. اؤلکه پارلامئنتی ده یهیی جاممئنی پرئزیدئنت کیمی تانیدیغینی بیلدیریب.

یهیی جاممه ۲۰۱۵-جی ایلده گامبییانی ایسلام رئسپوبلیکاسی اعلان ائدیب. بونونلا دا گامبییا ایران، پاکیستان، افقانیستان و موریتانییادان سونرا ۵-جی ایسلام رئسپوبلیکاسی اولوب. بو اؤلکه آفریکانین ان کیچیک اؤلکه‌لرین‌دن ساییلیر. اؤلکه‌نین اوردوسو ۸۰۰ نفردن عبارت‌دیر.