ایسپانییادا یاشایان هم یئرلیلریمیز مادریدده کئچیریله‌ن فیتور-۲۰۱۷ بین الخالق توریزم سرگی‌سین‌ده ارمنیستان طرفیندن داغلیق قاراباغ‌داکی سپارات‌چی رئژی‌می تبلیغ ائد‌ن خصوصی ایستندین نوماییش اولونماسینا اعتراض آکسییاسی کئچیریبلر.

ترئند-این معلوماتینا گؤره، بوندان اول آذربایجان مدنیت و توریزم ناظرلیگی سرگی تشکیلات‌چیلارینا اعتراض مکتوبو عنوانلامیش‌دی:

«عموم دونیا توریزم تشکیلاتینین تانینمامیش اراضیلرین تبلیغ ائدیلمه‌مه‌سی ایله باغلی مووافیق قراری وار. متمادی اولاراق خاریجی ایشلر ناظرلیگی، مدنیت و توریزم ناظرلیگی طرفین‌دن هم بین الخالق تشکیلاتلارا، هم تدبیرلرین تشکیلات‌چیلارینا بو حاللارین قارشی‌سینین آلینماسی اوچون اولجه‌دن مووافیق مراجعتلر عنوان‌لانیر. بو فاکتلا باغلی مدنیت و توریزم ناظری ابولفض قارایئو عموم دونیا توریزم تشکیلاتین‌دا کئچیردیی رسمی گؤروشلر زامانی اؤز ناراحات‌لیغینی ایفاده ائدیب».

قید ائدک کی، سرگی یانوارین ۱۸-ده ایشینه باشلاییب و یانوارین ۲۲-ده یئکونلاشاجاق.