روسییا افغانیستانداکی مناقشه یه مداخیله ائد‌رک، آمئریکانین بو اؤلکه‌ده یارانمیش سیتواسییانی حل ائتمه‌سینه مانعه یارادیر.

آخار. آذ خبر وئریر کی، بونو آمئریکا سناتینین سلاحلی قوه‌لر کومیته‌سینین ایجلاسیندا چیخیشی زامانی سناتور جون ماک کین سؤیله‌ییب.

«ال قایده و حاقانی شبکه‌سی قروپلاشماسی بیزیم افغانیستانداکی ماراقلاریمیزا تهدید یاراتماقدا داوام ائدیر. آرتیق ایشید ده اؤزونه افغانیستاندا تهلوکه‌سیز سیغیناجاق آختاریر. ایران همچینین طالبانی سیلاحلاندیریر و مالیه لشدیریر. بو اؤلکه‌یه روسییا مداخیله ائتمسیدی، هر شئی بو قدر چتینلشمزدی. اونلارین اساس مقصدی طالبانا دستک وئرمک‌دیر»، – او بیلدیریب.

آمئریکانین افغانیستانداکی قوه‌لرینین کوماندانی گنرال جون نیکولسون دا روسییا، پاکیستان و ایرانین طالبان حرکاتینی دستکلدیینی، بونون سایه‌سین‌ده افغانیستان‌دا ثابیتلییین پوزولدوغونو بیلدیریب:

«من اولکی کیمی بیر سیرا خاریجی اؤلکه‌لرین افغانیستانا تأثیریندن ناراحاتام. بو اؤلکه‌لر سیراسینا خصوصیله طالبانی دستکله‌ییب، لگیتیملشدیرمه‌یه چالیشان روسییا، ایران و پاکیستانی عایید ائتمک اولار. بو اؤلکه‌لرین افغانیستانا تأثیری ناتو-نون هدفلرینه چاتماغینا دا مانعه یارادیر».