ایرانلی زووارلار جاری ایلین خج مؤوسومونده سعودییه عربیستانینا سفر ائدجکلر.
آپا-نین معلوماتینا گؤره، بو بارده ایرانین هجج و زیارت تشکیلاتی آچیقلاما وئریب.
آچیقلامادا بیلدیریلیر: «ایران خالقینین دقتینه چاتدیریریق کی، جاری ایلده حج زیارتی بارهده سعودییه عربیستانی حج ناظرلیگی ایله آپاریلان دانیشیقلارین آردینجا و اونلاردان ایستدیکلریمیزین یئرینه یئتیریلمهسینه امین اولدوقدان سونرا عالی لیدر، ایسلام رسپوبلیکاسی مسئول شخصلری و ایران خالقینین ایستیینه اویغون اولاراق اؤلکهمیزدن اولان زووارلارین تهلوکسیزلیینه، عزت و حؤرمتلرینین قورونماسینا تأمینات وئریلیر. الده اولونان راضیلیغا اساساً کونسوللوق، طبی یاردیم و دیگر احتیاج اولان خیدمتلرین گؤستریلمهسی نظرده توتولور. اللهین لطفو ایله جاری ایلین حج مؤوسومونده ۸۵ مین نفرین حج زیارتینی یئرینه یئتیرمهسی اوچون شرایط یارانیب. طبیعیدیر کی، آپاریلان دانیشیقلاردا مختلیف مسئلهلر، او جملهدن مینا فاجعهسینده شهید اولانلار، مسجیدوالحرام حادثهسینده شهید اولانلار حاقیندا دانیشیلیب و ایلک فورصتده کئچیریلهجک مطبوعات کونفرانسیندا اونا دایر آچیقلامالار وئریلهجک».
قئید ائدک کی، ۲۰۱۵-جی ایلین هجج زیارتی زامانی یاشانان فاجیعوی اینسیدنتدن سونرا رسمی تهران وطنداشلارینا مکهیه گئتمیی قاداغان ائدیب. همین ایل مینا فاجعهسینده ۴۶۶ ایرانلی زووار حیاتینی ایتیریب.