ارمنستان روسیایا مال ایدخالینا قویولان محدودیتلرله باغلی آوراسیا اقتصادی اتفاقینا شکایت عریضه‌سی ایله مراجعت ائدیب.

Axar.az خبر وئریر کی، بونو ارمنستان اقتصادیات ناظیرینین معاونی تیگران گاسپاریان دئییب.

«بورادا صحبت تکجه روسیا ایله علاقه‌لردن دئییل، هم ده آوراسیا اقتصادی اتفاقی چرچیوه‌سینده‌کی امکانلاردان گئدیر. بو جور مانعه‌لرین آرادان قالدیریلماسینی تامین ائتمک اوچون تطبیق اولونا بیله‌ن خصوصی مخانیزملر موجوددور. بو امکانلاردان فعال شکلده استفاده ائدیریک. شکایت عریضه‌سی تقدیم ائتمیشیک و امینیک کی، مخانیزملر ایشله‌یه‌جک و محدودیتلر آرادان قالدیریلاجاق. ارمنستان حکومتینین فکرینجه، روسیانین تطبیق ائتدیی محدودیتلر آوراسیا اقتصادی اتفاقنین پرینسیپلرینه و سازشلرینه اویغون دئییل. آوراسیا اقتصادی اتفاقنین اؤز پرینسیپلرینه اویغون فعالیت گؤسترمه‌سینی تامین ائتمک اوچون مبارزه آپاریریق»، - او بیلدیریب.