پارلامنت سئچکیسی عرفه‌سین‌ده گرگین گونلرینی یاشایان ارمنیستاندا نؤوبتی قانلی حادثه باش وئریب.

مساوات. کوم خبر وئریر کی، آرارات ویلایتینین دخدزوت کندینده باش وئرن قارشی‌دورمادا بیر نفر بیچاقلانیب. بیچاق‌لانان شخص داشناکسوتیون پارتییاسینین دپوتاتلیغا نامیزدینین قارداشی اوغلو اوویک نازارپوردور. او، درحال خسته خانایا یئرلشدیریلیب.

حادثه‌نین باش وئرمه سببلرینه گلدیک‌ده، معلوم اولوب کی، او. نازارپور (ارمنیستان‌دا نادیر سویادلارداندیر، ایران قاریشیغی اولدوغونو دئمک ممکوندور-ج.ت.)همکندلی‌سی سومباتی ارمنیستانین رئسپوبلیکاچیلار پارتییاسینین نامیزدی آلیک سرکیسیانین دخدزوت کندین‌ده‌کی سئچیجیلرله گؤروشونده ایشتیراکینا گؤره دانلاییب. دئییب کی، دخدزوت کندینین اساس نامیزدی «داشناکسوتیون» تمثیلچی‌سیدیر. بو سببدن مباحثه بؤیویوب. داوا-دالاش زامانی همکندلی‌سی اوستونده گزدیردیی بیچاغی نازارپورون قارنینا سوخوب.