گرجستاندا سویداشلاریمیزین ییغجام یاشادیقلاری مارنولی شهرینده نووروز گئنیش میقیاسلی بایرام شنلیگی ایله قئید اولونوب.

آخار. آز خبر وئریر کی، گورجوستانین مختلیف بؤلگه‌لرین‌دن گلمیش آذربایجانلیلار اوچون یارادیلمیش گوشه‌لرده خالقیمیزین قدیم تاریخینی، میللی عادت-عنعنه‌لرینی عکس ائتدیره‌ن آتریبوتلار نوماییش اولونوب.

آذربایجانلیلاری بایرام مناسیبتیله تبریک ائتمک اوچون مارنولییه گلن گورجوستان پرزیدنتی گیورگی مارقوئلاشویلی و باش ناظر گیورگی کویریکاشوی‌لی شن‌لیکلرده ایشتیراک ائدیبلر. بایرام تونقالینی آلوولان‌دیران دؤولت و حکومت باش‌چیلاری نووروز عادت-عنعنه‌لری ایله تانیش اولوبلار.

آذربایجانین گورجوستان‌داکی سفیری دورسون حسنوو پرئزیدئنته نووروز بایرامینین اؤزللیکلری باره‌ده معلومات وئریب. گرجستانین دؤولت و حکومت باش‌چیلاری سامووار چایی ایچیب، یومورتا دؤیوشدوروب، شکربورا و پاخلاوانین دادینا باخیبلار. پرئزیدئنت و باش ناظر ایدمان‌چیلارین چیخیشلارینی دا ایزله‌ییبلر.

گیورگی مارقوئلاشوی‌لی، همچینین مارنئولی‌ده یئنی تیکیلمیش شهر کیتابخاناسینین آچیلیشین‌دا ایشتیراک ائدیب.

دؤولت باش‌چی‌سی بو گؤزل باهار بایرامی گونون‌ده آذربایجان خالقینا بؤیوک اوغورلار، فیراوان‌لیق و بوللوق آرزولاییب: «من آذربایجان خالقینی سالاملاییرام و تبریک ائدیره‌م. بو چوخ بؤیوک بایرام‌دیر. اینانیرام کی، آذربایجان و گورجو خالقلاری آراسین‌دا مؤوجود اولان دوستلوق و قارداش‌لیق موناسیبتلری بون‌دان سونرا دا اینکیشاف ائد‌جک و داها دا مؤهکه‌م‌لنه‌جک».

پرئزیدئنت گورجوستانین، او جمله‌دن مارنئولینین اینفراستروکتورونون اینکیشافی، بورادا یاشایان آذربایجان‌لیلارین حیات سوییه‌سینین یوکسلدیلمه‌سی ایستیقامتین‌ده آپاریلان ایشلرین بون‌دان سونرا دا داوام ائتدیریلجیینی بیلدیریب.

باش ناظر گورجوستان‌دا یاشایان آذربایجان‌لیلارین نووروز بایرامینی آذربایجان دیلین‌ده تبریک ائدیب. کوئمو کارت‌لی-بورچالی بؤلگه‌سینین قوبئرناتورو پااتا خزیناشوی‌لی، همچینین دیگر حکومت نماینده‌لری ده آذربایجان‌لیلاری بایرام موناسیبتیله تبریک ائدیبلر.

سون‌دا اینجسنت اوستالارینین ایشتیراکی ایله ماراق‌لی کونسئرت پروقرامی تقدیم ائدیلیب.