آمئریکانین روس هاوا نقلیاتی صنایع‌سینه و بعضی باشقا شیرکتلره سانکسییا تطبیق ائتمه‌سی مایوس ائدیجی‌دیر.

آخار. آذ خبر وئریر کی، بو سؤزلری روسییا خاریجی ایشلر ناظیرلیینین سؤزچوسو مارییا زاخارووا فیسبوک صحیفه‌سینده یازیب.

«البته، بو یئنی سانکسییالار بیزیم اوچون جدی بیر پروبلم یاراتمایاجاق، لاکین آمئریکا سانکسییالاری هانسی سببدن تطبیق ائتدیینی بئله آچیقلامادی. بو آددیم آمئریکانین تئرورلا مباریزه حاقدا سسلندیردیی فیکیرلره تمامیله ضیددیر. آمئریکا بو آددیملا بوتون اؤلکه‌لر اوچون تهدید اولان ایشید-ی و دیگر ترور تشکیلاتلارینی یوخ ائتمه‌یه حسابلانمیش چوخطرفلی امکداشلیغا ضربه وورور. رسمی واشینگتن بیر داها گؤستردی کی، روسییا ایله ایشبیرلیینی پوزماق ایستییر»، - زاخارووا بیلدیریب.

خاطیرلاداق کی، آمئریکا روسییانین آشاغیداکی شیرکت و تحصیل موسسه‌لرینه سانکسییا تطبیق ائدیب:

«روسبورونکسپورت»، «آویاکسپورت»، «ماشین قاییرما کونستروکتور بوروسو»، «بازالت»، مارشال بوقایئو آدینا اولیانووسک ملکی آویاسییا اینستیتوتو، اورال میلکی آویاسییا تلیم مرکزی، ژوکوو و قاقارین آدینا حربی هاوا آکادئ‌مییاسی، ۱۵۰-جی آویاسییا تمیر زاوودو.