آذربایجان و تورکیه آراسینداکی قارداش‌لیق ابدی‌دیر. بیز بیر-بیریمیزه سونادک اینانیر و گووه‌نیریک. هئچ بیر قوه بو قارداشلیغین قارشی‌سینی آلا بیلمز. آذربایجان پرزیدنتی الهام علیئو و تورکیه پرزیدنتی رجب طیب اردوغان ایستر شوشادا، ایسترسه ده آنتالیادا بو بیرلیین ان گؤزل نمونه‌سینی بیر داها نمایش ائتدیریبلر. امینم کی، بوندان سونرا دا مناسبتلریمیزی داها دا گوجلندیره‌رک گله‌جه‌یه بیرلیکده آددیملایاجاغیق.

Axar.az خبر وئریر کی، بو فیکیرلری تورکیه‌نین ویتسه پرزیدنتی جودت یلماز دئییب.

«بیز آذربایجانی و آذربایجان‌لیلاری سئویریک. آذربایجانا سفرلریمیز زمانی بو سئوگینین قارشی‌لیقلی اولدوغونو آیدین شکیل‌ده حس ائدیریک. سون دورلرده باش وئره‌ن بعضی حادثه‌لر بیرلییمیزی داها دا محکملندیرمیین و دایم همرای اولماغین واجیبلیینی بیر داها گؤستردی. هر ساحه‌ده و هر سکتوردا بیرگه گوجلو لایحه‌لر حیاتا کئچیره‌رک ایر‌لییه دوغرو آددیملامالیییق. بوتون مسئولیتی دولت باشچیلاریمیزین اوزرینه قویوب کناردا دایانمامالیییق. هر بیریمیز داها چوخ چالیشمالی، آذربایجان-تورکیه قارداشلیغینین محکمله‌نمه‌سینه و داواملی اولماسینا اؤز تهفه‌میزی وئرملیییک»، - دئیه او علاوه ائدیب.