آپرلین ۱-ی دونیانین بیر چوخ اؤلکه‌سین‌ده گولوش و یا آلداتما گونو کیمی قید اولونور. بو گونون ماهیتی ایله باغلی مختلیف ورسییالار مؤوجوددور.

آخار. آذ خبر وئریر کی، بو باره‌ده ان گئنیش یاییلمیش معلوماتلاردان بیری مسلمان قیرغینی ایله باغلیدیر. ۱۵-جی عصرین سونلارین‌دا خریستیان اوردوسو اندلوس مسلمانلارینین سون قالاسینی محاصره‌یه آلیر. اوزون سوره‌ن ساواش‌دا موسلمانلار قهره‌مانجاسینا دؤیوشورلر. دوشدویو وضعیتین چتینلیینی آنلایان خریستیان اوردوسونون کومان‌دانی هیله‌یه ال آتیر. ۳۱ مارت گئجه‌سی بیر علین‌ده قوران، دیگر الینده اینجیل قالانین اؤنونه گله‌رک "بو ایکی کیتابا آند ایچیره‌م کی، تسلیم اولسانیز، بو آخشام سیزه هئچ بیر شئی ائتمه‌یه‌جه‌یه‌م"، - دئییر.

مهم گؤروشلردن سونرا جانلارینین قورتولماسی قارشیلیغیندا مسلمانلار قالانی خریستیانلارا تسلیم ائدیرلر. سحر، یعنی آپرئلین ۱-ی خریستیان کوماندان بوتون مسلمانلارین اؤلدورولمه‌سی حاقدا امر وئریر. اونا وئردیی سؤزو خاطیرلادان مسلمانلارا "من دونن آخشام اوچون سؤز وئرمیشدیم، بو گون اوچون دئییل"، - دئییر و اونلاری اعدام ائتدیریر. او گوندن بری آپرئلین ۱-ی خریستیانلار آراسیندا "هیله - آلداتما" گونو کیمی قئید اولونور.

باشقا بیر روایت ایسه فرانسا کرالی ایله باغلی‌دیر. دئییلنه گؤره، ۱۵۶۴-جو ایلده فرانسا کرالی ۹-جو چارلزین قراری ایله ایلین باشلانغیجی آپرئلین ۱-دن دئییل، یانوارین ۱-دن حسابلانماغا باشلاندی. اهالینین بیر قیسمی بو قرارا اویمادی و یئنی ایلی آپرلین ۱-ده کئچیرمه‌یه داوام ائتدی. همین دؤورده یئنی ایلی محض آپرلین ۱-ده قئید ائد‌نلره "آپرل بالیغی" دئییردیلر.

بیر چوخلاری ایسه بو بایرامی قدیم روما تاریخی ایله باغلاییر. او دؤورده رومادا فورالین ۱۷-سی "سفهلر بایرامی" کیمی کئچیریلیردی. بعضی تدقیقات‌چیلارین فیکرینجه، بو عنعنه قدیم هیندیستاندا میدانا گلیب. هیندیستان‌دا مارتین ۳۱-ی "گولوش گونو" کیمی تاریخه دوشوب.

قئید ائدک کی، ۱ آپرل آذربایجاندا دا اکثر اینسانلار طرفیندن "گولوش گونو" کیمی قبول اولونور.