سانکت-پطربورگ متروسوندا ایکی پارتلاییش اولوب.

آخار. آذ خبر وئریر کی، بو باره‌ده اینفورماسییانی تاس آگنتلیگی یاییب.

پارتلاییش نتیجه‌سین‌ده ۱۰ نفر هلاک اولوب. آگنت‌لیک همچینین پارتلاییشین «سنایا بلوشاد» ایستانسییاسیندا باش وئردیینی آچیقلاییب.

«آلفا» خصوصی تعینات‌لی قروپون کئچمیش امکداشی سرگی قونچاروو مترودا باش وئره‌ن پارتلاییشی ترور آکتی کیمی قیمتلندیریب.

سانکت-پطربورگ متروسونداکی پارتلاییش نتیجه‌سینده خسارت آلانلار آراسیندا اوشاقلار دا وار.

اوسته‌لیک، پارتلاییشدان سونرا مترونون ۷ ایستانسییاسینین فعالیتی دایاندیریلیب.

ریا نوووستی متروداکی پارتلاییجی مادنین کوستار اصوللا حاضیرلاندیغی باره‌ده معلومات یاییب.

بیلدیریلیب کی، سانکت-پطربورقون بوتون مترو ایستانسییالارینین فعالیتی تام اولاراق دایاندیریلیب.

سانکت-پطربورق رهبرلیگی یارالیلارین ۵۰ نفر اولدوغونو تصدیقله‌ییب.