قازاخیستان پرزیدنتی نورسلطان نازاربایئو لاتین الیفباسی اساسیندا قازاخیستان الیفباسینین واحید ایستاندارتینین حاضرلانماسی ایله باغلی سرانجام ایمضالاییب.

آپا-نین خبرینه گؤره، بو باره‌ده قازاخیستانین دؤولت قزئتی اولان «اگمن کازاخیستان» قزئتین‌ده معلومات یئر آلیب. سرانجاما اساساً ۲۰۱۷-جی ایلین سونونا کیمی لاتین گرافیکی ایله واحید قازاخیستان الیفباسی ایستاندارتی حاضرلانمالیدیر. ن. نازاربایئو یئنی الیفبانین اؤیرنیلمه‌سی اوزره متخصصلرین ۲۰۱۸-جی ایلدن ایشه باشلاماسی و اورتا تحصیل موسسه‌لری اوچون یئنی الیفبا ایله درسلیکلرین حاضرلانماسی باره‌ده ده گؤستریش وئریب. پرزیدنت بیلدیریب کی، ۲۰۲۵-جی ایلده قازاخیستان آرتیق سندلشمه‌نی، دؤوری نشرلری و درسلیکلری لاتین الیفباسی ایله چیخارمالیدیر.

خاطیرلاداق کی، ۱۹۲۹-۱۹۴۰-جی ایللرده قازاخیستان لاتین الیفباسیندان ایستیفاده ائدیب.