تورکییه‌ده دونن کئچیریله‌ن کونستیتوسییا دییشیک‌لیکلری ایله باغلی اؤلکه خاریجیندن گلن سسلرین نتیجه‌لری آچیقلانیب.

آخار. آذ خبر وئریر کی، داها چوخ «هه» جاوابی چیخان اؤلکه لیوان اولوب. بورادا سئچیجیلرین ۹۳،۸۸ فایزی دییشیکلیگی دستکله‌ییب.

کونستیتوسییا دییشیکلیینین علیهینه ان چوخ سس ایسه تایلنددن گلیب. بوراداکی تورکلرین ۸۷،۰۸ فایزی دییشیکلیین علیهینه چیخیب.

ان ماراقلی نتیجه آوروپادان گلیب. بئله کی، آلمانییا، هلندییا، بئلچیکا، آوسترییا، دانیمارکا، فرانسا، لوکزمبورگ، نوروژ و کوسووادا سئچیجیلرین اکثری «هه» جاوابی وئریب. بحرین، بیرلشمیش عرب امیرلیکلری، الجزایر، عراق، قطر، کویت و ایوردانییادا ایسه «یوخ» طرفدارلاری اوستونلوک قازانیبلار.

مریکا، روسییا، چین، اینگیلتره، ایسرایل و ایران‌دا یاشایان تورکلر ده دییشیکلیکلره «یوخ» دئییبلر.

عمومی‌لیک‌ده اؤلکه خاریجین‌ده سس وئرن تورکلرین ۵۹،۰۹ فایزی (۸۳۱.۰۴۳ سئچیجی) دییشیک‌لیگی دستکله‌ییب، ۴۰،۹۱ فایزی (۵۷۵.۲۸۸ سئچیجی) رفرندومدا «یوخ» دئییب.

قید ائدک کی، اؤتن گون کئچیریله‌ن سس وئرمه‌ده «هه» طرفدارلاری ۵۱،۱۸ فایز سسله قالیب گلیب.