بیر دولتین محاربه تضمیناتی طلب ائتمه‌سی اوچون ایلک نوبه‌ده اونون محاربه‌نین باشلانماسیندا تقصیرلی اولماماسی واجیبدیر. یعنی همین دولت ایلک هجوم ائد‌ن، اساس‌سیز شکیل‌ده هجوما باشلایان طرف اولمامالیدیر. بو حالدا او، بین‌الخالق حقوقا اساساً کمپنساسیا (تضمینات- غرامت) طلب ائتمک حقوقو قازانیر. موجود وضعیت‌ده ایسه آمریکانین ایرانا قارشی هجومونون اساس‌لی اولوب-اولماماسی قیمتلندیریلمه‌لیدیر.

بو سؤزلری Axar.az-آ آچیقلاماسین‌دا بین‌الخالق حقوق اوزره پروفسور فرهاد مهدی‌یئو ایرانین آمریکا، اسرائیل و بعضی عرب دولتلریندن کمپنساسییا (تضمینات- غرامت) طلبی مسئله‌سین‌دن دانیشارکه‌ن دئییب.

او بیلدیریب کی، ایرانین اساس تضمینات طلب ائدجیی طرفلر بیرباشا هجومو حیاتا کئچیره‌ن آمریکا و اسرائیل اولمالیدیر:

«چونکی ضربه‌لر بیرباشا بو دولتلر طرفیندن ائندیریلیب. بونونلا بئله، اگر بعضی اؤلکه‌لر – مثلاً، بحرین – اؤز اراضیلرینده یئرلشن آمریکا حربی بازالاریندان ایرانا قارشی استفاده اولونماسینا شرایط یارادیبلارسا، بو حالدا همین دولتلر ده بیرگه مسئولیت داشیییر. یعنی اونلار آمریکا و اسرائیلله بیرلیک‌ده حقوقی مسئولیته جلب اولونا بیلرلر.

بئله مباحثه‌لر عادتاً یا بین‌الخالق محکمه‌لرده، خصوصیله بین‌الخالق عدالت محکمه‌سین‌ده، یا دا دیپلماتیک دانیشیقلار یولو ایله حل اولونور. صلح دانیشیقلاری چرچیوه‌سینده هانسی طرفین نه قدر ضرر اؤدیجیی معینلشدیریله بیلر».

مهدی‌یئو وورغولاییب کی، ایرانین بو طلبی بین‌الخالق حقوقا اویغوندور:

«آمریکانین حیاتا کئچیردیی «قاباقلاییجی ضربه» بین‌الخالق حقوق باخیمین‌دان اساس‌لی حساب ائدیلمیر. بئله ضربه یالنیز او حال‌دا قانونی ساییلیر کی، رئال و ثبوت اولونموش تهلوکه موجود اولسون. حاضرکی معلوماتلارا گؤره ایسه ایرانین آمریکایا قارشی هجوم پلانی ایله باغلی جدی ثبوتلار اولماییب. بو سبب‌دن ایران ب.ام.ت نظامنامه‌سینین ۵۱-جی ماده‌سینه اویغون اولاراق اؤزونو مدافعه ائد‌ن طرف کیمی چیخیش ائدیر و اونا دیمیش زیانا گؤره تضمینات طلب ائتمک حقوقونا مالک‌دیر».