شیمالی کورئیا یئنی قوشون نؤعو - خصوصی تعیناتلی قوه‌لر یارادیب.

آخار. آذ خبر وئریر کی، بو باره‌ده جنوبی کورئیانین رنخاپ آگئنت‌لیگی معلومات یاییب.

معلوماتا گؤره، پخنیان‌دا آپرلین ۱۵-ده کئچیریله‌ن پاراددان سونرا شیمالی کورئیا قزئتلرینین صحیفه‌لرینده یئنی حربی ترمین یارانیب. «نودون سیمون» قزئتی یازیب کی، کیم ایر چئن میدانیندان کورئیا خالق اوردوسونون حربی دنیز، حربی هاوا و هاوا هجوموندان مدافعه، ایستراتژی و خصوصی تعیناتلی قوشونلاری کئچدی.

شیمالی کورئیا تلگراف آگئنت‌لیگی ده آپرئلین ۱۳-ده خصوصی تعینات‌لیلارین تعلیملری باره‌ده یازمیشدی. اوزلری قارا رنگله قریملنمیش بو قوشونلار پاراددا قارا گون عینکی ایله آددیملاییبلار. اونلار یئنی قومباراتانلارلا سیلاحلانیب و باشلارینا اوزرینه گئجه گؤرمه جیهازی قوشولموش دبیلقه‌لر گئیینیبلر.

رنخاپ آگنتلیگی حربی اکسپرتلره ایستینادا یازیب کی، بو یئنی قوشون نؤوو آمریکا و جنوبی کورئیا خصوصی تعیناتلیلارینا قارشی یارادیلیب. بو قوشونلارا گنرال-پولکوونیک کیم یون بوک رهبرلیک ائدیر.