کیمیوی سلاحلارین قاداغان ائدیلمه‌سی تشکیلاتی (کسقت) سورییانین ادلب ویلایتینده کیمیوی سلاحدان ایستیفاده اولوندوغونو تصدیقله‌ییب.

آپا-نین وئردیی خبره گؤره، بو بارده تشکیلاتین یایدیغی بیانات‌دا دئییلیر.

«اوچ نفرین اوزرینده آپاریلان آنالیزلرین نتیجه‌لری اؤلنلرین سارین و یاخود اونا بنزر کیمیوی ماده‌دن زهرلندیکلرینی گؤستریب. عینی نتیجه خسته خانادا معالیجه آلان ۷ نفرده ده قیده آلینیب»، - بیاناتدا دئییلیر.

قید ائدک کی، سورییانین خان-شیخون یاشاییش منطقه‌سینه کیمیوی هجوم آپرلین ۴-ده باش وئریب. حادثه نتیجه‌سین‌ده ۸۰-دن چوخ اینسان اؤلوب، ۵۰۰-دن چوخو خسارت آلیب. سورییا اوردوسونون کوماندانلیغی و سلاحلی مخالیفت قوه‌لری بیر-بیرینی کیمیوی سلاح‌دان ایستیفاده ائتمک‌ده اتهام ائدیب.