کؤرفز اؤلکه‌لری ایران‌دان گلن تهدیدلر فونون‌دا هوا هجومون‌دان مدافعه‌نی گوجلندیرمک اوچون اوکراینا ایله فعال شکیل‌ده امکداش‌لیق ائدیرلر. کیئو آرتیق سعودیه عربستانی، قطر و بیرلشمیش عرب امیرلیکلری ایله اوزون مدت‌لی تهلوکه‌سیزلیک مقاوله‌لری باغلاییب و درونلارین اله کئچیریلمه‌سینده اؤزونه‌مخصوص تجروبه‌سینی نمایش ائتدیریب.

Axar.az خبر وئریر کی، بو باره‌ده «اکونومیست» نشری یازیب.

«ایللرله داوام ائد‌ن محاربه‌دن سونرا اوکراینا تأثیرلی درون علیه‌ینه سیستمی انکشاف ائتدیردی. بو اوجوز آنتی‌درونلار هوا هدفلرینین ۹۰%-ی قدرینی محو ائده بیلیر. ان بؤیوک اوستونلوک ده اوندان عبارت‌دیر کی، اوکراینا آنتی‌درون سیستملری «پاتریوت» راکتلرین‌دن اون دفعه‌لرله اوجوزدور. بو، فارس کؤرفزی اؤلکه‌لرینین اوزلشدیی پروبلم اولان اوجوز درونلارا قارشی باهالی سیستملرین ثمره‌سیز استفاده‌سینی آرادان قالدیریر»، - نشر بیلدیریب.

قید اولونوب کی، اوکراینا بو اؤلکه‌لره تکجه تکنیکا گؤندرمیر، هم ده طرفداشلارینا تعلیملر کئچیر.