۱۵ اییون- ملی قورتولوش گونو مناسیبتیله آذربایجانا ان صمیمی تبریکلریمی چاتدیریرام.

Axar.az خبر وئریر کی، بو سؤزلری شمالی قبرس تورک جمهوریتینین باش ناظری اونال اوستل باکی‌دا مئدیا نماینده‌لرینه آچیقلاماسیندا دئییب.

"۱۵ اییون ساده‌جه بیر تاریخ دئییل، آذربایجانین بیرلیک و همرایلیینین یئنی‌دن گوجلندیی گوندور. مرحوم پرزیدنت حیدر علیئوین اورتایا قویدوغو دولت‌چیلیک باخیشی بو گون پرزیدنت ایلهام علیئوین رهبرلییی ایله داها دا گوجلنیب، آذربایجانی رئگیون‌دا و تورک دنیاسیندا سؤز صاحبی اولان بیر اؤلکه‌یه چئویریب. بو گون گوجلو آذربایجان تکجه آذربایجان خالقینین دئییل، بوتون تورک دنیاسینین قورور منبعی‌دیر.

شمالی قبرس تورک جومهوریتی اولاراق آذربایجانین سئوینجینی اؤز سئوینجیمیز، اوغورونو اؤز اوغوروموز حساب ائدیریک.
چونکی آذربایجانین گوجو تورک دنیاسینین گوجودور. آذربایجانین اوغورو تورک دنیاسینین اوغورودور. آذربایجانین یوکسلیشی قارداش خالقلارین یوکسلیشی‌دیر.

بو مناسیبتله قارداش آذربایجان خالقینین ملی قورتولوش گونونو اورکدن تبریک ائدیر، بیرلیک و برابرلیینین دایم اولماسینی آرزولاییرام"، - دئیه باش ناظر بیلدیریب.