روسییانین سورییا پرزیدنتی بشار اسده مناسیبتی دییشمه‌ییب. مؤوقعییمیز بودور: اؤلکه‌نین گلجیی و رهبرلیینین تالعیینی آنجاق سورییا خالقی معین ائده بیلر.

آخار. آذ خبر وئریر کی، بو سؤزلری ریا-یا آچیقلاماسیندا کرملین مطبوعات کاتیبی دمیتری پسکوو تورکییه لیدری اردوغانین «رؤیتر»ا آچیقلاماسینی شرح ائدرکن دئییب.

«او کی قالدی پرزیدنت پوتینین اسدین مدافعه‌سی ایله باغلی فیکرینه، پوتینین اسده مناسیبتی دییشمه‌ییب و بو، هامییا یاخشی معلومدور»، - پسکوو بیلدیریب.

قید ائدک کی، تورکییه پرزیدنتی اردوغان اؤتن گون «رؤیتر»ا گئنیش مصاحیبه‌سینده پوتینین بشار اسده مناسیبتینین دییشدیینی بیلدیرمیشدی. «جناب پوتین منه زنگ ائتدی و دئدی کی، سیز منی دوزگون باشا دوشون، من اسدی مدافعه ائتمیرم، اونون وکیلی ده دئییلم»، - اردوغان قید ائتمیشدی.