ارمنیستانین رسپوبلیکا پارتییاسی ایله داشناکسوتیون ارمنی اینقیلاب فدراسییاسی آراسیندا امکداشلیق حاقیندا راضیلاشما یاخین واختلاردا ایمضالاناجاق.

آخار. آذ خبر وئریر کی، بونو ژورنالیستلره آچیقلاماسیندا ارمنیستانین ویتسه-ایسپیکری ادوارد شارمازانوو سؤیله‌ییب. هله‌لیک پارتییالارین هانسی فورماتدا کوالیسییا یاراداجاقلاری حاقیندا هئچ بیر آچیقلاما وئریلمیر.

قید ائدک کی، ارمنیستاندا کئچیریلن سون پارلامنت سئچکی‌سیندن سونرا قانونوئریجی اورقانا ۴ پارتییا داخیل اولوب. حاکم رسپوبلیکا پارتییاسی سئچکی‌ده ان چوخ سس توپلاسا دا، بو، تکباشینا حکومت قورماغا ایمکان وئرمیر. داشناکسوتیون ایسه ۷% سس ییغا بیلیب.

داشناکسوتیونلا حاکم پارتییا آراسیندا کوالیسییا راضیلاشماسی سئچکی‌دن اؤنجه ده اولوب. بئله کی، سرکیسیان داشناکلارا حکومت‌ده ۳ ناظر پوستونو وئریب.