ارمنیستان اوردوسوندا غیری-دؤیوش شرایطینده اؤلن عسگر آنالاری اؤلکه پرزیدنتینین اوفیسی قارشیسین‌دا نؤبتی اعتراض آکسییاسی کئچیریبلر.

رئپورت خبر وئریر کی، بونونلا همین قادینلار اوغلانلارین اؤلومو ایله باغلی ایستینتاق ایشینین دوزگون گئتمدیینه دقتی بیر داها چکمک ایسته‌ییبلر.

آذربایجانین ایشغال آلتیندا اولان داغلیق قاراباغدا غیری-دؤیوش شرایطینده اؤلن آرتور گازاریانین آناسی ایرینا گازاریان دئییب: «اؤلدورولمسیدی اوغلومون ۲۶ یاشی اولاجاقدی. اوغلومو ۱۸ یاشیندا بو جینایتکارلار. قاراباغ گؤندردی. سرژ سارکیسیان اوغلومون قاتیلی مارتین جانگیریانا ۲۰۱۶-جی ایلی آپرئل دؤیوشلرینه گؤره مدال وئردی".

غیری-دؤیوش شرایطینده اؤلن وارلی ورادیانین آناسی نانا مرادیان ایسه بیولدیریب کی، اوغلونون اؤلومو ایله باغلی جنایت ایشی ۴ آی اول آچیلیب: «بو مدت عرضینده حقوقو-محافظه اورگانلاری هئچ بیر فعالیت گؤسترمه‌ییب».

آکسییادا ایشتیراک ائد‌ن عسگر آنالاری دئییبلر کی، اوغوللاری ارمنیستان مدافعه ناظیرلیینین «بو منم» پروگرامینین قوربانیدیرلار: «کاسیب عائله‌لرین اوغلوللاری بو پروگرام اساسیندا قاراباغدا خیدمت ائتمه‌یه گؤندریلیر. بو پروگرام ایسه وارلیلارین، ایمکانلیلارین اوغوللارینین چتین یئرلرده خیدمت ائتمه‌سینین قارشی‌سینی آلیر».

قید ائدک کی، ارمنیستان مدافعه ناظریلیینین «بو منم» پروگرامی اساسیندا آذربایجانین ایشغال آلتیندا اولان تورپاقلاریندا، آذربایجان-ارمنیستان سرحدینده ۳ ایل حربی خیدمت ائد‌ن حربچیلره مدت عرضینده ۵ میلیون درام (۱۰ مین دوللاردان چوخ) مبلغینده پول وئریرلر.