اورمییه‌نین ایران پارلامنتین‌ده‌کی میلت وکیلی نادیر قاضیپور حسن روحانی حاکمیتینی زحمتکئش طبقه‌یه دقتسیزلیک‌ده گناهلاندیریب.

آخار. آذ خبر وئریر کی، او، بو باره‌ده مایین ۱-ده ایشچیلر قارشی‌سیندا چیخیش ائدرکن دانیشیب.

«فحله‌لرین اعتراضی گؤستریر کی، حسن روحانی حاکمیتی اونلارین حقوقلاری اوغروندا هئچ بیر تدبیر گؤرمه‌ییب.آنایاسایا گؤره، حکومت فحله‌لرین ائوله تعمین ائدیلمه‌سی ایله باغلی تدبیر گؤرملی‌دیر، لاکین ایندیکی حاکمیت ائتدیی بوتون ادعالارا رغما بئله بیر آددیم آتماییب»، - دئیه او بیلدیریب.

پارلامنتین صنایع و معدن کمیسییاسینین عضوو اولان قاضیپور همچینین بیلدیریب کی، سون ۴ ایلده فحله‌لرین حقوقلارینین تعمینی اوغروندا هئچ بیر لاییحه پارلامنته تقدیم اولونماییب:

«بو گون جناب روحانی‌دن سوروشماق لازیم‌دیر کی، بس ارزاق سبدی، فحله‌لرین ائو مسئله‌سی و دیگر طلبلر نه اولدو؟! حکومت دوز دییرسه، اؤنجه سوسیال تأمینات تشکیلاتینا اولان میلیاردلارلا ریال بورجونو اؤد‌سین کی، بو تشکیلات دا فحله‌لرین قارشی‌سین‌دا اؤز عهدلیینه عمل ائده بیلسین. اما هئچ نه گؤرموروک. بونلار، سئچکیلر یاخینلاشدیغینا گؤره، فحله‌لرین سسینی قازانماق اوچون معین سؤزلر دئییرلر، لاکین سئچکیلر بیتدیکدن سونرا یئنه ده زحمتکئش طبقه اونودولاجاق».