آمریکانین روسییانین اوزاق شرق‌ده‌کی لیمانلارینا نظارتی دؤیوشه سبب اولاجاق.

آخار. آذ خبر وئریر کی، بو سؤزلری روسییا فدراسییا شوراسینین بین الخالق علاقه‌لر کمیته‌سینین رهبری کونستانتین کوساچئو دئییب. اونون سؤزلرینه گؤره، آمریکا روسییانین اوزاق شرق بؤلگه‌سی اولان پریمورییده‌کی لیمانلارینا نظارته داوام ائتدیرسه، ساواش قاچیلمازدیر:

«بو، هر شئی‌دن اؤنجه، بین الخالق حقوقا ضیددیر. هئچ بیر اؤلکه و بین الخالق تشکیلات، خصوصیله، بیرلشمیش میلتلر تشکیلاتی آمریکایا بیرلشمیش میلتلر تشکیلاتی تهلوکسیزلیک شوراسینین قرارلارینا نظارت ائتمک اوچون سلاحیت وئرمه‌ییب».

قئید ائدک کی، آمریکا کنگرسینین نماینده‌لر پالاتاسی طرفیندن قبول ائدیلمیش قانوندا آمریکا آدمینیستراسییاسینین شیمالی کورئیایا قارشی سانکسییالار تطبیق ائتمک اوچون روسییایا مخصوص "ولادیواستوک"، "ناخودکی" و "وانینو" لیمانلارینی نظارته گؤتورمه‌سی عکسینی تاپیب.

سندده روسییا لیمانلاری ایله یاناشی، چین، ایران و سورییانین لیمان شهرلرینین ده آدلاری قید ائدیلیب.