آذربایجان رسپوبلیکاسی ایله اسرائیل آراسینداکی مناسبتلر «آنتی-ایران ایدئولوگیاسینین» نتیجه‌سی اولماق‌دان داها چوخ، باکی‌نین ملی تهلوکه‌سیزلیک و حربی-تکنیکی احتیاجلارینی اؤد‌مک جهدی‌دیر.

Axar.az خبر وئریر کی، بونو ایران رهبرینین عالی مشاوری و کئچمیش سپاه کوماندیری یحیی رحیم صفوینین اوغلو، تهران اونیورسیته‌سینین معلمی همزه رحیم صفوی دئییب.

«ایران نه قدر چوخ باکینی تجرید ائتمه‌یه و یا حربی گوجله تهدید ائتمه‌یه چالیشسا، آذربایجان بیر او قدر چوخ اسرائیل-تورکیه اوخونا دوغرو ایتلنه‌جک. تورکییه‌نین جنوبی قفقازدا، خصوصاً ده ۴۴ گونلوک محاربه‌دن سونرا آذربایجان رسپوبلیکاسین‌دا آکتیو رولو ایرانین نقطه نظریندن استراتژی رقابت میدانی کیمی قبول ائدیله بیلر. ایران بو رقابتی حربی ریتوریکا ایله دئییل، آنکارا و باکی ایله بیرگه اوچطرف‌لی اقتصادی و انرژی لایحه‌لری یاراتماقلا نیتراللاشدیرمالی‌دیر»،- او علاوه ائدیب.